ეიფელიშ ერუანული პარკი

(გინოწურაფილი რე ეიფელიშ ნაციონალური პარკი-შე)

ეიფელიშ ერუანული პარკი (გერმ. Nationalpark Eifel) — ერუანული პარკი გერმანიას, ოორუე რაინ-ვესტფალიაშ აკანს.

ეიფელიშ ერუანული პარკი

Nationalpark Eifel

ქიანა გერმანიაშ შილა გერმანია
კოორდინატეფი 50°37′ ოორ. გ. 6°26′ ელ. გ. / 
ფართობი 10 700 ჰა
დირსხუ 2004

იდვალუაფუ ეიფელიშ გვალეფიშ ოორუეჸურე, ნოღა ნიდეგენს (ოორუეჸურე) დო შლაიდენს (ობჟათეოორუეჸურე) შქას, ობჟათე-ბჟადალშე უხურგანს ბელგიას. პარკიქ 2004 წანას დირსხუ დო მუში ფართობი დოხოლაფირო 10 700 ჰექტარი რე. მუში ღანკი რე ამდღარშახ ასქილადირი წიფურიშ ტყალეფიშ თხილუა, ნამუთჷთ თელი ეიფელი დო ცენტრალური ევროპაშ უდიდაში ნორთი რდჷ ფორილი. ფორჷნს ფურცელამ დო ლირსამ ტყალეფს, ტობეფს, მაფერეფს დო რღია ჭყენჭყეფს.

ერუანულ პარკის გოფაჩილი რე 900-შახ ჩხოლარიშ დო ჩანარიშ გვარობა, ნამუეფშეთ კანკალე ჭითა წინგიშა რე მიშაღალირი. ხვალე ხოჭოეფიშ გვარობეფი 1300-ს ოჭირინდუანდ. შხვა ჩხოლარეფს შქას რე ველური კატუ, უჩა ყარყანტი დო კიდალაშ ხვილარი.

გალერეა რედაქტირაფა

ქოძირით თაშნეშე რედაქტირაფა

რესურსეფი ინტერნეტის რედაქტირაფა

 
ვიკიოწკარუეს? რე ხასჷლა თემაშენ: