ელ დორადო (კუჩხბურთი)

ელ დორადო ჯოხო ფარანს კოლუმბიურ კუჩხბურთის 1940-იანეფიშ ლიაშე 1950-იანეფიშ დაჭყაფუშა. 1948 წანას კოლუმბიურ კუჩხბურთიშ ლიგაქ გინირთჷ პროფესიულო დო დიმაიორქ, თაშ ჯოხოდჷ თი ლიგას, დეთხიუ ფიფას კოლუმბიაშ მაჸოროფუ ლიგაწკჷმა ნირზიშ უკული. თეშ გურშენი კოლუმბიაშ არძა კლუბის დო ერუანულ ნაკორობას გეუვარეს არძა ოერეფოშქაშე ტურნირს მაკათურობა, მარა ფიფაშ ევარუას ბრელი მუთუნი ვემეურკებჷ ჩარსხებული ლიგაშა, პიჯიშო თი ბორჯის რდჷ კოლუმბიური კუჩხბურთიშ ორქოშ ფარანი.

ურცხო ქიანეფიშე მოპეჯაფილი მოლაჸაფეეფი რედაქტირაფა

ახალი ლიგაშ გჷნოსქილადას ხე ქუუნწყუ ჟირი ფაქტორქ, პრიველი, არგენტინას მოხვამლაფირი მობურთეეფიშ გოფუჩუაქ, ნამუშ უკულით არგენტინარი მოლაჸაფეეფქ ქჷდიჭყეს ქიანაშე ნტება დო, მაჟია, რახანი კოლუმბია ვარდჷ ფიფაშ მაკათური, თაქიანი ბუნეფი ვეგინმიგანდეს ფიფაშ წესეფით დორცხუაფილი ტრანსფერეფიშ გინაგაფურს. ალფონსო სენიორქ, დიამანორიშ დჷმარცხუაფალქ დო მილიონარიოსიშ დუდმახვენჯიქ ქჷდიჭყჷ არგენტინალი მოლაჸაფეეფიშ მოჸუნაფა. პრიველ არგენტინალი მობურთე, ნამუთ მილიონარიოსიქ გჷნიჸუნჷ კოლუმბიაშა რდჷ რივერ პლეიტიშ მურიცხი ადოლფო პედერნერა. პედერნერაქ 1949 წანაშ 10 მანგის ქჷმოფურინჷ ბოგოტაშა, სოდეთ თის დოხვადჷ 5 000 კოჩიქ. მილიონარიოსიქ ხუთიშახ უმოს ფარა აკეთჷ მოლაჸაფეშ პრეზენტაციაშ დღას, ვინდარო შიბულენდეს შხვა დღალეფს, თეშ უკული კოლუმბიაშ შხვა ბუნეფქ ხოლო ქიმეხვადეს მუჭო ოშიბაფუანდეს ადოლფო პედერნერაცალი მურიცხეფი ფარას დო ქჷდიჭყეს მობურთეეფიშ მოჸუნაფა ლათინური ამერიკაშ შხვადოშხვა ქიანეფიშე. დეპორტივო კალიქ ქიმიჸუნჷ მოლაჸაფეეფი პერუშე დო არგენტინაშე; დეპორტივო პერეირაქ - პარაგვაიშე; მედელინიშ ინდეპენდენტექ - პერუშე; კორპორასიონ ნუევა კუკუტა დეპორტივოქ ქჷმიპაჯჷ 8 მოლაჸაფე ურუგვაიშ 1950 წანაშ დიხაზუგაშ ჩემპიონატიშ ბუნაშე დო, მუშოთ ოკო რაგადი, მილიონარიოსიქ ქიმიჸუნჷ ალფრედო დი სტეფანო დო ჰექტორ რიალი. თეშ უკულ კოლუმბიურ კლუბეფქ შვადო ხოლო ქიდიჭყეს მოლაჸაფეეფიშ გორუა, თაშ მოხვადჷ ინდეპენდენტე სანტა ფეს ნეილ ფრანკლინქ, ჯორჯ მაუნთფორდიქ, ჩარლი მითენქ, თეშ გალე, მილიონარიოსიქ ქჷმიჸუნჷ ბილი ჰიგინსი დო ბობი ფლაფელი, მარა არძა ინგლისარ მოლაჸაფექ, ჩარლი მითანიშ მოხ, კონტრაქტიშ ეშაწირუაშახ დირთჷ უკახალე. ელდორადოშ ბჟაქ მალას დიკორთჷ, ურცხოარი მურიცხეფქ უკახალე დირთეს 1954 წანას.

რესურსეფი ინტერნეტის რედაქტირაფა