მიკი სპილეინი
ფრენკ მორისონ სპილეინი (ინგლ. Frank Morrison Spillane, უმოსო შინელი რე მუჭოთ მიკი სპილეინი, ინგლ. Mickey Spillane, დ. 9 მელახი, 1918, ბრუკლინი, ნიუ-იორკი, ააშ — ღ. 17 კვირკვე, 2006, მერელს-ინლეტი, ობჟათე კაროლინა, ააშ) — ამერიკალი ჭარუ, ნოველისტი დო მსახიობი. თიში დეტექტივური ჟანრიშ ნაჭარეფიშ თარი პერსონაჟი რე კერძო დეტექტივი მაიკ ჰამერი.
| მიკი სპილეინი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
კვირკვე 17, 2006 (88 წანერი) |
| ღურაშ აბანი: |
მერელს-ინლეტი, ობჟათე კაროლინა, ააშ |
| ერუანობა: | |
| საქვარუა: | |
| პერიოდი : |
1947–2006 |
| ჟანრი: |
დეტექტივი |
| ნინა: | |
| ჯილდოეფი: |
ინკპოტიშ პრემია (1994) |
მიკი სპილეინი გურაფულენდჷ ერასმუსიშ სკოლას, ნამუთ გათუ 1935 წანას. უკულ გურაფა გაგინძორჷ ფორტ ჰეისიშ სახენწჷფო კოლეჯის. მაჟირა მოსოფელიშ ლჷმაშ ბორჯის სპილენიქ ქაკათჷ ააშ-იშ არმიაშ ოჰეერე ნძალეფიშ კორპუსის. რდჷ ოჰეერე ნძალეფიშ პილოტი დო ინსტრუქტორი. ჭარალუათ სპილეინიქ 1940-იან წანეფს დეინტერესჷ. მიკი სპილეინი რე ავტორი დეტექტივური ჟანრიშ ნოველეფიშ დო თხობელუეფიშ. სპილეინიშ დეტექტივეფი ორხველუდჷ უმოსო "მანგარი" (Hardboiled) დეტექტივეფიშ ჟანრის. გიმოჩამილი რე სპილეინიშ წინგეფიშ 225 მილიონი ეგზემპლარი. სპილეინი რდჷ ინკპოტიშ დო ედგარ ალან პოშ პრემიეფიშ ლაურეატი. სპილეინიქ ღურუ 2006 წანაშ 17 კვირკვეს, პანკრეასიშ კიბოთ.
გიშნაგორა ნახანდეფი რედაქტირაფა
ნოველეფი რედაქტირაფა
- 1947 I, the Jury
- 1950 My Gun Is Quick
- 1950 Vengeance Is Mine
- 1951 One Lonely Night
- 1951 The Big Kill
- 1952 Kiss Me, Deadly
- 1962 The Girl Hunters
- 1964 The Snake
- 1966 The Twisted Thing
- 1967 The Body Lovers
- 1970 Survival... Zero!
- 1989 The Killing Man
- 1996 Black Alley
რესურსეფი ინტერნეტის რედაქტირაფა
