თინჩალაშ ხინჯი (ქართი)

კუჩხიშოლი ხინჯი წყარმალუ მტკვარს (ქართი)
(გინოწურაფილი რე შვიდობაშ ხინჯი (ქართი)-შე)

თინჩალაშ ხინჯი (ქორთ. მშვიდობის ხიდი) — კუჩხიშოლი ხინჯი წყარმალუ მტკვარს, ქართის, მეტეხიშ დო ბარათაშვილიშ ხინჯეფ შქას. ართიანწკჷმა მიორსხუანს ერეკლე II-აშ შოშეს (ელჷ-მოლუშ ოძგალეეფწკჷმა ართო) დო რიყეს. ხინჯი ეიოგეს პრეზიდენტ მიხეილ სააკაშვილიშ ინიციატივათ, ნ. ქართიშ მერიაშ დოკვათუათ 2009-2010 წანეფს. ოფიციალურო გინწყჷ 2010 წანაშ 6 მესის[1]. ხინჯიშ არქიტექტორი რე იტალიარი მიკელე დე ლუკი (დსო ახალი ნოდგჷმიშ და პრეზიდენტიშ დოხორეშ ავტორი), ოდო განათებაშ დიზაინერი - ფრანგი ფილიპ მარტინო (თაშნეშე დსო ახალი ნოდგჷმიშ, პრეზიდენტიშ დოხორეშ დო ტელეანწაშ განათებაშ ავტორი[2]).

ფაილი:New Pedestrian Bridge Tbilisi 2010-05-06a.JPG
თინჩალაშ ხინჯი
ფაილი:Peace Bridge (Tbilisi).jpg
გინაჯინუ თუდოშე

ხინჯიშ კონსტრუქციას წჷმარინუანს ლითონიშ (ფულანდიშ) მოსა კარკასი, ოდო აკმაფშაფალს - კაპიჭიშ პანელეფი, ნამუნეფით ართონობას 150 კვ.მ ფართობიშ მაღვენჯი ჩარდახიშ სახეთ გინმაფორუ კუჩხიშოლი ცალსაროტის. ედომუშამი კონსტრუქცია გერსხილი რე 4 ბერდეხ ფულანდიშ სჷმეტიშა, ოდო ცალსაროტი გითობუნაფილი რე კარკასშა ბაგერეფით. ცალსაროტი წყარმალუშ დუც 5 მ-შახ სიგანაშ რე, ოდო ძგალეფჸურე 2 მ-შახ. საართო სიგჷრძა რე 156 მ. ხინჯიშა ეშულა შილებე, მუჭოთ ერეკლე II შოშეშე დო რიყეშე, თეშ უოშქარეთ ოძგალე ოჯალეეფშე ეშალეფით. სერით ხინჯი განათებული რე სპეციალური თირაფონი განათებათ, მუსჷთ უნარღელჸონს 50 000-შახ ნოთე[3]. არქიტექტურული თოლწონუათ ხინჯი წჷმარინუანს ალმახანური არქიტექტურაშ მინუშის, მუთ ჯვეში ქართიშ მოჩამილ ტერიტორას, გარკვიულ თიათ სიახალე რე.


ხინჯი მიარზებაფუაფუ რიყეშ ართოიანი რეკონსტრუქცია-რეაბილიტაციაშ პროექტიშ ხურგეფს. ოფიციალური ინფორმაციათ საართო ღირებაქ (რიყეშ პროექტიშ უმუშო) აკადგინჷ 12.5 მლნ ლარი, მუთ გჷმორთჷ ნოღაშ ბიუჯეტიქ. კიდანჯუას აწარმენდჷ იტალიური კომპანია „პერმა სტელიზა“[3].

უჩინებუ რე ხინჯიშ ჯოხო მიში იდეა რდჷნ, მორო ავტორქ ათაშ ენწყჷ:

ვიკიციტატა
„ხინჯი დუდო რე გოართოიანაფაშ სიმბოლო - შხვადოშხვა პოზიციეფიშ აკოხვალამაშ, გინორთელი ძგალეფიშ დოხოლაფაშ. თინა საუჯგუშო მეტაფორა რე თინჩალაშო.“
(მიკელე დე ლუკი, პროექტიშ ავტორი - არიტექტორი, დიზაინერი[4])

კრიტიკა რედაქტირაფა

ხინდიქ ჯარალუაშ მიარენერი რეაქცია გიშეჭანუ, მუჭოთ ურბანისტულ-არქიტექტურული კუნთხუთ, პროფესიული წირეეფშე[5][2][6][7], თეში ოპროექტე-ოკიდანჯე პროცესიშ კარაკანობაშ დო ჯარალუაშ კათაფაშ კუნთხუთ, შხვადოშხვა პოლიტიკური დო ვარ ვაოთარობე ორგანიზაციეფიშ ჸურეშე[8][9][10][7]. რდჷ მიკოღანკუეფი დო პრეტენზიეფი ხინჯიშ მასშტაბწკჷმა დო პროპორციეფწკჷმა, თაშნეშე თიშ გინომეტაფილო ექსპრესიულ დიზაინწკჷმა რსხუაფათ[2][7], მორო ჯარალუაშ ნორთიშო თინა მიოღებელი რე.

ინტერესუანი ჩინებეფი რედაქტირაფა

  • თინჩალაშ ხინჯი მა-11 ხინჯი რე, ქართიშ ტერიტორიას წყარმალუ მტკვარს ეგაფილეფშე[11].
  • ხინჯიქ იხაზირჷ ეიონწყუალ ნორთეფო[12], აკონდღულაფაშ წესით ეინწყუ არდგილს (რიყეს) დო უკული ენწყილი ხინჯი სპეციალური ბორანიშ მეშქაშალათ გოდვეს წყარმალუს, მუდგასჷთ სპეციალური აქტივობეფქ მიეჯღუნჷ.[13][14].
  • ოინფორმაციე პორტალ „ამბები.ge”-შ ონლაინ გჷმოკითხირით, სოდეთ 6046 ადამიერქ აფიქსირჷ არზინ, 48.1%-ის ხინჯი ვა მოწონს, ოდო 45.5%-ის მოწონს (დოსქილადირეფს გუჭირდჷ გამაშ მეჩამაქ)[15].

ლიტერატურა რედაქტირაფა

სქოლიო რედაქტირაფა

  1. კაპიჭიშ კუჩხიშოლი ხინჯი ამუდღარშე ექსპლუატაციაშა მიშმურს“, ნიუსი, ოინფორმაციე პორტალი „ექსპრესნიუსი”, 06/05/2010. კითხირიშ თარიღი: 2010-07-04. 
  2. 2.0 2.1 2.2 ეკა ლომიძე. “"თეშე უგირძაში, თეშე დიდი... დიო ვა მიძირჷ მა მტკვარს ხინჯი!"“, სტატია, გაზეთი კვირის პალიტრა, 17-05-2010. კითხირიშ თარიღი: 2010-07-04. 
  3. 3.0 3.1 "თინჩალაშ ხინჯიშ" კიდანჯუა 12 მლნ 500 ვითოში ლარქ დოდოხოდჷ“, ოინფორმაციე ოაგენტე „პირWელი News“, 12.05.2010. კითხირიშ თარიღი: 2010-07-04. 
  4. თეა ადეიშვილი. „ნორთი II: პრეზიდენტიშ ოჸოროფული არქიტექტორი„, რეპორტაჟი, რუსთავი 2, 18 კვირკვე, 2009. კითხირიშ თარიღი: 11 კვირკვე, 2010. 
  5. თინჩალაშ ხინჯი რიყეს“, რუბრიკა „ორი აზრი“, ჟურნალი „ლიბერალი“, 3 მანგი, 2010. კითხირიშ თარიღი: 2010-07-04. 
  6. „ახალ ნაკიდა ჸუდეეფი მუთუნით ვეშხვანერებუ სხუნუეფიშ პერიოდიშ ნოდგჷმეფშე““, ინტერვიუ, ოინფორმაციე ოაგენტე „commersant.ge“, 7 მესი 2010. კითხირიშ თარიღი: 2010-07-04. 
  7. 7.0 7.1 7.2 ნინო კვიტაშვილი. “პრეზიდენტიშ დოხორე დარე გემაშ მინუში რე“, სტატია ირმარულ გაზეთიშე „ყველა სიახლე“, ოინფორმაციე პორტალი ამბეფი.ge, 2010-08-09. კითხირიშ თარიღი: 2010-09-06. 
  8. თინჩალაშ ხინჯი რიყეს“, ახალი ამბეფი, „კავკაციაშ ინტერნეტ მედია ბუნა”, 2009-12-04. კითხირიშ თარიღი: 2010-07-04. 
  9. ირაკლი ალასანიაქ არქიტექტორეფიშ რსხუშ მაკათურეფს აკოხვადჷ“, რუბრიკა „ახალი ამბები და პოლიტიკა“, ვიდეო პორტალი „youtube“, 28 პირელი, 2010. კითხირიშ თარიღი: 2010-07-04. 
  10. MaestroCTN. “ნიკა ივანიშვილი „თინჩალაშ ხინჯიშ“ კიდუას აპროტესტენს“, რუბრიკა „ახალი ამბები და პოლიტიკა“, ვიდეო პორტალი „youtube“, 10 პირელი, 2010. კითხირიშ თარიღი: 2010-07-04. 
  11. ქართი. wikimapia. კითხირიშ თარიღი: 2010-12-19.
  12. Dv0rsky (25.05.2010). ახალი ხინჯი ქართის - გჷმულა & ტრანსპორტირაფა. ფოტორეპორტაჟი. ბლოგი blogroll.ge. კითხირიშ თარიღი: 2010-07-04.
  13. მიხეილ სააკაშვილი „თინჩალაშ ხინჯიშ” კონსტრუქციაშ მტკვარს გოდოვალაშა მეჯღუნილ ღონისძიებას ორსუდჷ“, პრეს-რელიზი, საქორთუოშ პრეზიდენტიშ ადმინისტრაციაშ პრესოინალუ. კითხირიშ თარიღი: 2010-07-04. 
  14. სააკაშვილი: „საქორთუო ალმახანური ცივილიზაციაშ ნორთო გინმირთუ”“, ნიუსი, ომაუჭყაფალუ კომპანია „რუსთავი 2”, 09.04.10. კითხირიშ თარიღი: 2010-07-04. 
  15. მორწონა დო ვარი "თინჩალაშ ხინჯი"?“, გჷმოკითხირი, ოინფორმაციე პორტალი „ამბები.ge”, ბოლო ხონარი: 24/05/2010. კითხირიშ თარიღი: 2010-07-04. 

რესურსეფი ინტერნეტის რედაქტირაფა

 
ვიკიოწკარუეს? რე ხასჷლა თემაშენ: