ჯგირო ორდა, ანჯარი!
ჯგირო ორდა, ანჯარი! (ინგლ. A Farewell to Arms) რე ერნესტ ჰემინგუეიშ გვერდო ავტობიოგრაფიული რომანი, ნამუდგაშ თარი თემა რე მაართა მოსოფელიშ ლჷმა დო ჸოროფა. წინგის, ნამუქჷთ იჭარჷ 1929 წანასჷნ, მაართა პიჯის რაგადანს ამბეს ამერიკალი ფრედერიკ ჰენრი, მით გოხოლუდეს იტალიაშ არმიაშ ოვე ჰოსპიტალიშ ლეიტენანტი ("Tenente"). ჯოხოდვალა ეჭოფილიე მა-16 ოშწანურაშ ინგლისარი დრამატურგიშ, ჯორჯ პილიშ პოემაშე.[1]
| ჯგირო ორდა, ანჯარი!
A Farewell to Arms | |
|---|---|
_01.jpg)
1932 წანაშ ფილმიშ პოსტერი | |
| ავტორი: | ერნესტ ჰემინგუეი |
| ქიანა: | ააშ |
| ნინა: | ინგლ. |
| თემა: | ლჷმა, ჸოროფა |
| ჟანრი: | გვერდო ავტობიოგრაფიული |
| გჷშმაშქუმალარი: | Scribner's Magazines |
| გჷშაშქუმალაშ თარიღი: |
მესი–გჷმათუთა, 1929 |
| ქორთულო გჷშეშქვინჷ: |
1960 |
| ხასჷლა: | 297 (მაართა Scribner-იშ გჷშაშქუმალა) |
| isbn: | ISBN 0-684-83788-9 |
| oclc: | 36103848 |
| წოხოლენი: | ქომოლკათა უოსურეთ |
| გეჸვენჯი: | ღურა ონდღებორჯის |
რომანქ მაართათ იჸუ ადაპტირაფილქ 1932 წანას.[2]
ვახტანგ ჭელიძეშით ქორთულო ნათანგა რომანქ მაართათ გჷშეშქვინჷ 1960 წანას, გჷშმაშქუმალარობა "საბჭოთა საქართველოს"-იშით, 20 000-ამ ტირაჟით.
სიუჟეტი რედაქტირაფა
რომანი დორთილიე ხუთ წინგო. მაართა წინგის რინალდი გაჩინებაფუანც ქეთრინ ბაკლის ჰენრის; ჰენრი ოცადჷ, ქეთრინი მიოჩილითუასჷნი, დო თაშ იჭყაფუ თინეფიშ მაჸალუა. იტალიურ ფრონტის რინაშ ბორჯის, თიქ დინჭყოლჷ კუჩხის დო ჯღონელქ იჸუ მილანიშ ჰოსპიტალშა. მაჟირა წინგი მოძირანა ჰენრიშ დო ქეთრინიშ მაჸალუაშ ტომბარაფას, თიშ უკული მუთ ართო გამუკორთეს ედომუშამი ზარხული მილანსჷნ. ჰენრის ქეჸოროფებუ ქეთრინი დო თი ბორჯიშო, მუჟამცჷთ თინა დოსქიდუნ, ქეთრინი უკვე სუმ თუთაშ მონკათ იჸუაფუ. მასუმა წინგის, ჰენრი ირთუ მუში გოართოიანაფაშა. მორო, ვართ ფერი ბრელი ხანიშ უკული, ავსტრიალეფი დო გერმანალეფი გჷთმოსოფუნა იტალიაშ ღოზეფც კაპორეტოშ ჩხუპის. იტალიარეფი უკახალე იკინანა. ჰენრი ჸვილუნც ოინჟინერე სერჟანტის უდუჸუნუობაშ გეშა. თეშ უკული, ჰენრის ოეჭვებელი პიჯო კოროცხჷნა დო ჭოფუნა. თინა ორწყე, ნამდა პოლიციარეფი უშუბრალებუო ჸვილუნდეს დჷმაშებელეფც დო ნტებას გჷნოჭყვიდუნც. თიქ თენა ქჷმიხუჯუ წყარმალუშა დინოსხაპუათ. მაანთხა წინგის ჰენრი დო ქეთრინი კჷნე აკმოხვადჷნა ართმაჟირას დო შვეიცარიაშა მითმინტებუნა ხოფამი ნიშით. ეკონია წინგის, ჰენრი დო ქეთრინი თინჩას ოხორანა გვალეფც, თეიშახ, სოიშახ ქეთრინც ქჷდაჭყაფუდჷ მოლოგინუან. ხანგინძე დო ჭუებული მოლოგინუაშ უკული, თინეფიშ სქუა ღურელი იბადებჷ. ქეთრინს აჭყაფუ ზისხირწჷმა დო მალასჷნე ღურუ, ოდო ჰენრი აძვილაფირიე ხვალე დირთას ოსუმარეშა, ჭვემამი ტაროზის.
პერსონაჟეფი რედაქტირაფა
- ლეიტენანტი ფრედერიკ ჰენრი - რომანიშ მათხობელე დო თარი გერგეზი. თინა რე ახლნორდი ამერიკალი, მით, მაართა მოსოფელიშ ლჷმაშ ბორჯის, მუშობას მოხალისეთ იტალიურ არმიაშ ონჭუაფალი მოხვარაშ მანქანაშ მაჸონაფალო.
- ქეთრინ ბაკლი - ინგლისარი ჭყოლოფუაშ და, მისჷთ ეჸოროფებუ ჰენრი. მუჭოთ ჰენრი შინანცჷნ, ქეთრინი რე გჷშაკერძაფილო სქვამი.
- რინალდი - ქირურგი იტალიაშ არმიას. თინა რე ჰენრიშ საუჯგუშო მაჸალე.
გჷშაშქუმალეფი ქორთულ ნინაშა რედაქტირაფა
- ერნესტ ჰემინგუეი - ჯგირო ორდა, ანჯარი!, თხობელუეფი (ინგლ. თანგჷ ვახტანგ ჭელიძექ). - ქართი, 1992 წ, 320 ხს, 10000 ც.
- ერნესტ ჰემინგუეი - ჯგირო ორდა, ანჯარი!, ელილენს ბჟა (ფიესტა) (ინგლ. თანგჷ ვახტანგ ჭელიძექ). - ქართი. გჷშმაშქუმალარობა "საბჭოთა საქართველო", 1960 წ, 479 ხს, 20000 ც.
- ერნესტ ჰემინგუეი - აკნარსხეფი 4 ტომო; 1-ლი ტომი: ჯგირო ორდა, ანჯარი; თექ, მიჩიგანს; პატჷნი დო ოსურპატჷნი ელიოტი; პედუცი; ჟარნეჩიდოვითი ვითოში; მაჸვილარეფი; კატუ ჭვემას; ბადიდი ხინჯიწკჷმა (ინგლ. თანგეს: ვ. ჭელიძექ, მ. ქარჩავაქ, ნ. ღამბაშიძექ) გჷშმაშქუმალარობა "ლიტერატურა და ხელოვნება", 1965 წ, 365 ხს, 20000 ც.
- ერნესტ ჰემინგუეი - ჯგირო ორდა, ანჯარი!, ელილენს ბჟა (ფიესტა), ღვენა დო ვარ უღვენობა. (ინგლ. თანგჷ ვ. ჭელიძექ). ქართი. გჷშმაშქუმალარობა "საბჭოთა საქართველო", 1976 წ. 630 ხს. 20000 ც.
- ერნესტ ჰემინგუეი - ჯგირო ორდა, ანჯარი!, კილიმანჯაროშ თირამი გვალა, რჩინუ დო ზუღა (ინგლ. თანგეს ვ. ჭელიძექ დო ა. რატიანქ). ქართი. გჷშმაშქუმალარობა "ნაკადული". 2005 წ. 432 ხს. 4000 ც.
სქოლიო რედაქტირაფა
- ↑ George Peele: A Farewell to Arms (To Queen Elizabeth). The DayPoems Poetry Collection. კითხირიშ თარიღი: 2008-05-19.
- ↑ (ინგლისური)A Farewell to Arms (1957) — კინოფილმეფიშ ინტერნეტ მუნაჩემეფიშ ბაზას (IMDb).
რესურსეფი ინტერნეტის რედაქტირაფა
- (ინგლისური) ერნესტ ჰემინგუეიშ ვებხასჷლა Archived 2009-03-21 ვებ-ხასჷლას Wayback Machine.
- (ინგლისური) Spark Notes: ჯგირო ორდა, ანჯარი!
- (ინგლისური) Literapedia: ჯგირო ორდა, ანჯარი! Archived 2011-03-08 ვებ-ხასჷლას Wayback Machine.