ჰენრი ფორდი
ჰენრი ფორდი (დ. 30 მანგი, 1863 — ღ. 7 პირელი, 1947) — ამერიკალი მილიარდელი ბიზნესმენი. მუშობა ქჷიჭყჷ დეტროიტიშ ოავტომობილე მაღაზიას. 1893 წანას გაჭყჷ დორხველი მანქანაშ მოდელი. 1903 წანას დარცხუ "ფორდიშ ავტოკომპანია". 1909 წანაშ თიშ კომპანიაქ თიზმათ გავითარჷ ოავტომობილე წარმება, ნამუდა ქჷდიჭყჷ მანქანეფიშ მასობური წარმება დო რევოლუცია მახვამილუ ომანქანე ინდუსტრიას. ფორდიშ მანქანაქ ამერიკას არძაშე ჩინებული ოავტომობილე მარკაქ გინირთჷ.
ბიოგრაფია რედაქტირაფა
ჰენრი ფორდიქ 57 წანაშ ხანს დორხველი ღმალა 188,1 მილიარდ ააშ დოლარშახ მორდჷ. ჰენრის იჩინენს არძა თიშენი, ნამუდა წორას თიქ ქიგუჷ ოდუდე ოავტომობილე წარმებას.
თიში მასქერეფი ფერმერეფი რდეს, მარა ახალნორდი ფორდიქ მალას მეხვადჷ, ნამუდა თის თახმას ვა ოკოდჷ ედომუშამი რინა მინდორს მუშობას მუკუთუმუდუკონ, თით უმენტაშ, ნამუდა ბაღანობაშე ოინჟინერე საქვარი იხვამილუანდჷ. 12 წანერი ჰენრიქ ჸუდე ქიდიტუ დო ქარხანას მექანიკოსო ქიდიჭყჷ მუშობა, 28 წანერქ ტომას ედნისონიშ კომპანიას მინწყუ, სოდგათ ქვარქვანტიწკჷმა მერცხუაფილი მაართა ექსპერტიმენტეფი მიკიჸონჷ. 36 წანერ ჰენრიქ მუშ მაართა ოავტომობილე კომპანია Detroit Automobile Company გონწყჷ, ნამუქუთ ჟირი წანაშ უკული გიღილონტჷ. მოგვიანაფილო ფორდიქ პარტნიორი ლელანდიწკჷმა ართო Henry Ford Company დარცხუ. მალას დუმარცხუალეფ შქას უაპიჯაფუობეფქ ქუმოხვადჷ დო თეშ გეშა, ფორდიქ თე კომპანია ქიდიტუ. ოდო ლელანდიქ თის ჯოხო გეგნუთირუ დო Cadillac ქჷგიოდჷ. ფორდიშ მასუმა კომპანიაქ წჷმოძინელქ იჸუ, ოდო თიში დუმარცხუაფალქ ავტომანქანაშკიდანჯუაშ ისტორიაშა მიშართჷ, მუჭოთ ადამიერი, ნამუქუთ კონვეინერი მასობურ წარმებას მაართათ დონერგჷ დო Ford-იშ ავტომობილეფი ლეგენდარულო გინართინუ.
რესურსეფი ინტერნეტის რედაქტირაფა
- Automobile History Online—Henry Ford history and photos
- Full text of My Life and Work Archived 2008-10-12 ვებ-ხასჷლას Wayback Machine.
- Commentary on Ford's My Life and Work
- Notable quotations and speech excerpts Archived 2015-01-30 ვებ-ხასჷლას Wayback Machine.
- Timeline Archived 2007-09-27 ვებ-ხასჷლას Wayback Machine.
- Quotes Archived 2007-09-27 ვებ-ხასჷლას Wayback Machine.
- Nevins and Hill tell the story of Peace Ship in American Heritage Archived 2006-05-07 ვებ-ხასჷლას Wayback Machine.
|
თე სტატია პიჯიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |