აარონ ბური
აარონ ბური უკულაში (ინგლ. Aaron Burr Jr.; დ. 6 ფურთუთა, 1756 — ღ. 14 ეკენია, 1836) — ამერიკალი პოლიტიკოსი, ბიზნესმენი, იურისტი, ააშ-იშ ართ-ართი დუმარსხუაფალი-მუმა, ააშ-იშ ვიცე-პრეზიდენტი 1801-1805 წანეფს, ტომას ჯეფერსონიშ მაართა საპრეზიდენტო ვადას.
| აარონ ბური Aaron Burr | ||
.jpg) | ||
| ააშ-იშ 3-ა ვიცე-პრეზიდენტი | ||
|---|---|---|
| პოსტის გერინაშ ბორჯი | ||
| 4 მელახი, 1801 – 4 მელახი, 1805 | ||
| პრეზიდენტი | ტომას ჯეფერსონი | |
| წიმოხონი | ტომას ჯეფერსონი | |
| მონძე | ჯორჯ კლინტონი | |
| პოსტის გერინაშ ბორჯი | ||
| 4 მელახი, 1791 – 3 მელახი, 1797 | ||
| წიმოხონი | ფილიპ სკაილერი | |
| მონძე | ფილიპ სკაილერი | |
| პოსტის გერინაშ ბორჯი | ||
| 29 ეკენია, 1789 – 8 გერგობათუთა, 1791 | ||
| წიმოხონი | რიჩარდ ვარიკი | |
| მონძე | მორგან ლუისი | |
| პოსტის გერინაშ ბორჯი | ||
| 1 კვირკვე, 1784 – 30 მანგი, 1785 | ||
| პოსტის გერინაშ ბორჯი | ||
| 1798 – 1799 | ||
| დუნაბადი | 6 ფურთუთა, 1756 ნიუარკი, ნიუ-ჯერსიშ პროვინცია, ბრიტანეთიშ ამერიკა | |
| ნაღურა | 14 ეკენია, 1836 (80 წანერი) სტატენ-აილენდი, ნიუ-იორკი, ააშ | |
| ნთხორუ აბანი | პრინსთონიშ სასაფლა | |
| მენოღალობა |  ააშ | |
| ერუანობა | ამერიკალი | |
| პოლიტიკური პარტია | დემოკრატიულ-რესპუბლიკური პარტია | |
| მუმა | აარონ ბური | |
| ნანა | ესთერ ედვარდსი | |
| ალმასქუ | 1. თეოდოსია ბარტოუ პრევო 2. ელიზა ჯუმელი | |
| სქუალეფი | 8 | |
| გონათაფა | ნიუ-ჯერსიშ კოლეჯი | |
| ხეშმოჭარუა |  | |
დებადჷ ფინანსურო წჷმოძინელი ფანიას. გურაფულენდჷ თეოლოგიას ნიუ-ჯერსიშ კოლეჯის (ასეიანი პრინსთონიშ უნივერსიტეტი). გურაფაშ თებაშ უკულ მუშენდჷ იურისტო. ბურიქ, ამერიკაშ რევოლუციური ლჷმეფიშ მიმალობას ქაკათჷ კონტინენტური არმიას. უკულიანი პერიოდის კინ იურიდიული საქვარუას დართჷ დო მოღალენდჷ ნიუ-იორკის, სოდეთ მალას პოპულარობა მიპალუ დო შანულამი პოლიტიკოსო გინირთჷ. ბურიქ მიშეღჷ მუში თია დემოკრატიულ-რესპუბლიკური პარტიაშ დორსხუაფაშა. 1784 წანას ბური გიშაგორილქ იჸუ ნიუ-იორკიშ შტატიშ ასამბლეაშ მაკათურო. 1785 წანას თიქ ხუჯი დუკინჷ კანონს დოლმახორალაშ გოუქვაფაშო. 1789-1791 წანეფს ბური რდჷ ნიუ-იორკიშ გენერალური პროკურორი. 1791 წანას გიშაგორილქ იჸუ ააშ-იშ სენატიშ მაკათურო. 1801-1805 წანეფს რდჷ ამერიკაშ რანწკით მასუმა ვიცე-პრეზიდენტი. ბურის კონფლიქტური ურთიართალა უღუდჷ შინელი პოლიტიკოსი, ხაზინაშ ჸოფილი მელამოსე ალექსანდერ ჰამილტონიწკჷმა. თინეფიშ ურთიართალაქ თეშ გეუფრაშჷ, 1804 წანაშ 11 კვირკვეს, ბურიქ დუელშა გეგშიჭანუ დო ომაღურეთ დოჭკირჷ ალექსანდერ ჰამილტონი. დუელეფი ჸათე ბორჯიშო ლეგალური ვარდჷ, მარა ბური ვაგუსამართებუნა. 1807 წანას აარონ ბური ოჭოფეს დო სახენწჷფოშ გითოჩამა ქეკადვეს. ართ-ართი ვერსიათ ბურის ულამუდჷ ზოხორინელი ქიანაშ დორსხუაფა ობჟათე-ბჟადალი ამერიკას. მარა სასამართალოქ ბური გამართჷ. ჸათე ინციდენტიქ ძალამს დაზიანჷ ბურიშ პოლიტიკური რეპუტაცია. უკულ ბურიქ მიდართჷ ევროპაშა, სოდეთ 1812 წანაშახ ცხოვრენდჷ. 1812 წანას ნიუ-იორკიშა დირთჷ დო იურიდიული კარიერა გაგინძორჷ. აარონ ბურიქ ღურუ 1836 წანაშ 14 ეკენიას, 80 წანერქ. დასაფულებური რე პრინსთონიშ სასაფლას.