ააშ-იშ სენატი

(გინოწურაფილი რე ააშ-შ სენატი-შე)

ააშ-იშ სენატი (ინგ. the United States Senate) რე ააშ-იშ კონგრესიშ ჟირი პალატაშე ართ-ართი. კონგრესიშ მაჟირა პალატა რე წჷმმარინაფალეფიშ პალატა.

სენატიშ ხუნეფიშ დარბაზი

ააშ-იშ კონსტიტუციაშ მეჯინათ, სენატის ირ შტატის ჸუნს ჟირი წჷმმარინაფალი, ნამუეფით გიშეგორუაფჷნა ირ შტატშე ამშვი წანაშ ხანით. ზოხოიან შტატის გიშაგორუეფიშ მანჯებაშ ბორჯი დო წესეფი გითმითანჯუ შტატიშ კანონმადვალი შაყარუაშ დო ააშ-იშ კონგრესიშით. შედეგო ირ ჟირ წანმოწანაშე გიშაგორუეფი იმანჯებუ სენატიშ აბანეფიშ დოხოლაფირო ართ ნასუმორიშ დაკებელო.

სენატიშ პრეზიდენტი რე ააშ-იშ ვიცე-პრეზიდენტი, მორო თის ხონარიშ მეჩამაშ ნება ხვალე ხონარეფიშ შქას გორთუალაშ შვანს შეულებჷ.

სენატიშ მაკათურეფიშ მუდანობა წჷმმარინაფალეფიშ პალატაშ მაკათურეფიშ მუდანობაშე მერკე რე დო თინეფი უმოსი ხანგჷრძე ხანით რენა გიშაგორილი. თეშ მოხ, სენატის უღუ მუსხირენი ექსკლუზიური ნება, ნამუთ წჷმმარინაფალეფიშ პალატას ვაუღუნ. ომანგეთ, სენატი მირჩქინუაფუ ააშ-იშ კონგრესიშ "ჟილენი პალატათ".

რესურსეფი ინტერნეტის რედაქტირაფა