აბრაზია

აბრაზია (ლათ. abrasio - მოხეკუა, მოხოკუა) — ზუღეფიშ, ტობეფიშ, დიდ წყაროჩუაშეეფიშ ძგალეფიშ აკოცჷმა რეღმეფიშ ქიმინჯალათ. აბრაზიაშ გეშა ძგას გიჭყაფუ ქირქე (კლიფი) დო აბრაზიული ტერასა (ბენჩი). აბრაზია თით უმოსო ინტენსიურიე, მუთ უმოს მერკეთ გერინელი რე ქანეფი რეღმაშ ჟიქიმჯალაშ მეხჷ, მუთ უმოსო დაბალი რე ზუღაშ ძგა დო მუთ უმოსო ლექინას ოჭირინუანს რეღმა კლიფიშ ჯინჯიშახინ.

ძგაშ აბრაზიული გოვითარაფაშ შანულამი პიჯალა რე ოჭყაფუ ჟიდოხიშ ალაზიმაფათ ახრა გეკინალა. გეკინაშ კუნთხუ მორჩილი ქორენ-და (ოშქარას 0,01), ძგაშ მანგას იქიმინუ აკუმულაციური ტერასა დო აბრაზია დახე ითებუ. აბრაზიაქ შილებე კჷნე ქჷდიჭყას, ოძგალე ღოზიქ ეყარუ და, ანუ, ტექტონიკურ ყარაფეფიშ გეშა მიირდჷ ჟიდოხიშ გეკინაშ კუთნხუქჷ-და.

ქოძირით თაშნეშე

ლიტერატურა

ქსე, ტ. 1, ხს. 32, ქთ., 1975. წანა