ავსტრალიაშ დიდი ჸუჯი
ავსტრალიაშ დიდი ჸუჯი — იდვალუაფუ ავსტრალიაშ ობჟათე-ბჟადალ ნორთის, გჷნოზინდილი რე ბჟადალიშ კოდმეშე (ბჟადალი ავსტრალია) ობჟათე-ბჟაეიოლ კოდმეშა (ობჟათე ავსტრალია), 1,160 კილომეტრიშ გოძვენას. ჸუჯიშ ფართობი აკმადგინანს 1335 ვთშ კვ. კმ-ს. ჸუჯიშ არძაშე შანულამი ონიშოლი ნოღა რე ადელაიდა.
ერეფოშქაშე ჰიდროგრაფიაშ ორგანიზაციაშ გეპონუათ, ჸუჯი ორხველჷ ინდოეთიშ ოკიანეშ ღანჩოს. ჸუჯის მაართაშე ევროპალ მარკვიალეფქ მიოგორეს 1627 წანას, მუჟამსჷთ კაპიტანი ტისენი იშარუანდჷ ავსტრალიაშ ბჟადალი კირდეეფიშ მანგას. ხურგეფქ ზუსტას იჸუ ეშანილქ ინგლისარი მარკვიალიშ, კაპიტან მეთიუ ფლინდერსიშე, 1820 წანას. ჸუჯიშ წყარპიჯიშ ღოზის ახასიათენს 60 მეტრაშ სიმაღალაშ კირდეეფი, სასერფინგო პლაჟეფი. აკანი თაშნეშე იდეალური რე ვერშაპიშ მაგორალეფშო.