ავტორიტარიზმი
ავტორიტარიზმი — მართუალაშ სისტემა, ნამუთ უნარღელჸვენს კათაშ აბსოლუტურ დოჸუნალას. მახორობაშ უშურიშქალე დოჸუნაფაშა ნჭაფაშ გეშა ავტორიტარიზმის შხირას „დესპოტიაშ“ შანულობათ ხვარენა. ავტორიტარიზმი, მუჭოთ სისტემა, თარო პოლიტიკურ სფეროს იკათუანს - თხოზუ ოპოზიციურ პოლიტიკურ პარტიეფს დო ლიდერეფს. თეწკჷმა ართო, ტოტალიტარიზმიშე გინორთი, ავტორიტარიზმი მახორობას დუდიშული მოღალუაშ ელაზჷმაფათ უმოსი ფართე არანს უტენს. თენა გიშაკერზაფილო ირაგადე ეკონომიკაშ სფეროს, მუჟანსჷთ მართუალაშ ავტორიტარული წესი მეთმიარჩქვანჷ ეკონომიკურ ლიბერალიზმის დო ვაგჷმოხურგანს კერზო სამეწარმე დო კომერციულ საქვარუას. ფრანკოშ მართუალა ესპანეთის (1939-1975) ვარ-და პინოჩეტიშ რეჟიმი რგილი ლჷმაშ პერიოდის ჩილეს (1973 წანაშე)[1] ზუსტას მართუალაშ თეჯგურა წესიშ მინუში რე.
რესურსეფი ინტერნეტის
რედაქტირაფასქოლიო
რედაქტირაფა- ↑ სოციალურ და პოლიტიკურ ტერმინთა ლექსიკონი-ცნობარი, სარედ. ჯგუფი: ედუარდ კოდუა და სხვ.; გამომც.: ლაშა ბერაია; თბილისი, ლოგოს პრესი, 2004, 351გვ.