აკაპულკო (Acapulco, ოფიციალურო: Acapulco de Juárez, აკაპულკო დე ხუარესი) — ნოღა დო შანულამი ოზუღე ონიშოლი მექსიკაშ რჩქალი ოკიანეშ წყარპიჯის, გერეროშ შტატის, ნოღა მეხიკოშ ობჟათე-ბჟადალშე 300 კილომეტრის იდვალუაფუ. ნოღა გედგჷ ტომბა, გვერდო მოკალური ჸუჯიშ მუკი-მუკი. 2012 წანაშ ეჭარუაშ მეჯინათ, ნოღას 687,608 ადამიერი ოხორანდჷ. ჯოხოდვალა „აკაპულკო“ ნაუატლიშ ნინაშე მოურს დო შანენს „დიდი ქუმუშ აბანს“.
| ნოღა
აკაპულკო
Acapulco de Juárez
| გერბი
|
|
|
ესპანური კოლონიური პერიოდიშ ბორჯის, აკაპულკო უშანულამაში ონიშოლი რდჷ ნიშეფშო, ნამუეფსჷთ აბრეშუმი დო სუნელობეფი გილუღუდეს აზია-რჩქალი ოკიანეშ რეგიონეფშე. 256 წანაშ გოძვენას, ირწანური ოვაჭარე ვოიაჟი, ჩინებული მუჭოთ მანილაშ გალეონი, იჭყანდჷ შარალუას აკაპულკოშე ფილიპინეფშა, ნამუქჷთ საბოლოეთ მეჭყორდჷ მექსიკაშ ზოხორინალაშო ლჷმაშ გეშა.
