ალენ გინზბერგი
ირვინ ალენ გინზბერგი (ინგლ. Irwin Allen Ginsberg; დ. 3 მანგი, 1926, ნიუარკი, ნიუ-ჯერსი, ააშ — ღ. 5 პირელი, 1997, ნიუ-იორკი, ნიუ-იორკი, ააშ) — ამერიკალი პოეტი დო ჭარუ. უილიამ სიუარდ ბეროუზი დო ჯეკ კერუაკიწკჷმა ართო რდჷ ბიტიშ გამნარყიშ ართ-ართი უკაბეტაში ფიგურა. გინზბერგი ოპონირენდჷ მილიტარიზმის, ეკონომიკური მატერიალიზმის, სექსუალური რეპრესიას.
| ალენ გინზბერგი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
პირელი 5, 1997 (70 წანერი) |
| ღურაშ აბანი: | |
| ერუანობა: | |
| საქვარუა: | |
| Magnum opus: | |
| ნინა: | |
| ჯილდოეფი: |
ერუანული წინგიშ პრემია (1974) |
|
| |
თიში არძაშე უმოსო შანულამი ნახანდი რე პოემა "ჸურაფი", სოდეთი ავტორი აკრიტიკენს ამერიკაშ კაპიტალისტურ დო კონფორმისტულ ნძალეფს. ჸათე პოემას, გინზბერგი უშუარულო დო ჸინჩურო ეთმოჭარუნს ჰეტეროსექსუალურ დო ჰომოსექსუალურ აქტეფს. პოემაქ იჭარჷ 1954-1955 წანეფს დო გიშართჷ 1956 წანას. ჸათე პერიოდიოშო ამერიკას მოქმედენდჷ სოდომიაშ კანონეფი დო ჰომოსექსუალური სქესობური აქტი ლეგალური ვარდჷ. პოემა, თაშნეშე ეთმოშანუნს ავტორიშ სექსუალობას დო თიში ურთიართალას ბრელი კოჩიწკჷმა, დო გიშაკერზაფილო პიტერ ორლოვსკიწკჷმა, ნამუთ გინზბერგიშ პარტნიორი რდჷ.
ალენ გინზბერგიქ დებადჷ ნიუ-ჯერსიშ ნოღა ნიუარკის, ურიეფიშ ფანიას. გურაფულენდჷ კოლუმბიაშ უნივერსიტეტის. დუდშე დაინტრესებული რდჷ ჟურნალისტიკათ. ნიუ-იორკ ტაიმსის გინზბერგიქ გჷმაბჟინუ პოლიტიკური სტატიეფი, ნამუეფიშ თემა მაჟირა მოსოფელიშ ლჷმა დო მუშეფიშ ნებეფი რდჷ. ლიტერატურული კარიერა 1950-იან წანეფიშე დიჭყჷ. რე ავტორი ლერსეფიშ, პოემეფიშ, პოეტური კათელეფიშ, ესეეფიშ დო შხვა ლიტერატურული ნაწარმებეფიშ.
გინზბერგის ოინტერესუდჷ ბჟაეიოლიშ ქიანეფიშ რელიგიეფი, გიშაკერზაფილო ბუდიზმი. გინზბერგიშ მაგურაფალი რდჷ ნაროპაშ ინსტიტუტიშ დუმარსხუაფალი, ტიბეტარი ბუდისტი ჩოგიამ ტრუნგპა.
გინზბერგიქ 1974 წანას მიპალუ ერუანული წინგიშ პრემია დო 1986 წანას რობერტ ფროსტიშ მენდალი. გინზბერგი 1995 წანას რდჷ პულიცერიშ პრემიაშ ფინალისტი.
გიშნაგორა ნაჭარეფი
რედაქტირაფა- ჸურაფი დო შხვა ლერსეფი (1956)
- კადიში დო შხვა ლერსეფი (1961)
- ცალიორი სარკე: ორდოიანი ლერსეფი (1961)
- რეალური სენდვიჩეფი (1963)
- პლანეტაშ ახალი ამბეეფი (1968)
- ინდური ჟურნალეფი (1970)
- ამერიკაშ დონთხაფა (1973)
- რკინაშ ცხენი (1973)
- გიშნაგორა ლერსეფი 1947-1980 (1984)
- ჩე ფულირი ლერსეფი: 1980-1985 (1986)
- სინთუამი ლერსეფი (1996)
- გიშნაგორა ლერსეფი: 1947-1995 (1996)
- ღურა დო ჯოხობუა: ლერსეფი 1993-1997 (1999)
რესურსეფი ინტერნეტის
რედაქტირაფა- ალენ გინზბერგი ენციკლოპედია ბრიტანიკას
- ალენ გინზბერგი Poets.org-ის
- ალენ გინზბერგი — Find a Grave-ს