ალ-ზაჰრავი
აბუ ალ-ქასიმ ხალაფ იბნ ალ-აბას ალ-ზაჰრავი ალ-ანსარი (არაბ. أبو القاسم خلف بن العباس الزهراوي; დ. 936, მედინა-ასაჰარა, ალ-ანდალუსია (ასეიან კორდობაშ გოხოლუას, ესპანეთი) — ღ. 1013), უმოსო შინელი რე მუჭოთ ალ-ზაჰრავი, ლათინიზებული აბულკასისი — არაბი ანდალუსიარი ექიმი, ქირურგი დო ქიმიკოსი. მერჩქინელი რე შქა ოშწანურეფიშ უდიდაშ ქირურგო დო თეხანური ქირურგიაშ დუმარსხუაფალო.
| ალ-ზაჰრავი | |
| არაბ. الزهراوي | |
 | |
| დაბადებაშ თარიღი: |
936 |
|---|---|
| დაბადებაშ აბანი: |
მედინა-ასაჰარა, ალ-ანდალუსია (ასეიან კორდობაშ გოხოლუას, ესპანეთი) |
| ღურაშ თარიღი: |
1013 (76-77 წანერი) |
| ომენცარე სფერო: | |
| ჩინებული რე მუჭოთ: |
შქა ოშწანურეფიშ უდიდაში ქირურგი, |
ალ-ზაჰრავიშ არძაშე უმოსო შინელი ნახანდი რე "ალ-თასრიფი", ნამუთ სამედიცინო პრაქტიკაშ 30 ტომიანი ენციკლოპედია რე. წინგეფიშ ჸათე კოლექციას ალ-ზაჰრავი 50 წანას ჭარუნდჷ დო თექ რე მოჩამილი შხვადოშხვა ლახარეფი, კურნალობაშ მეთოდეფი, ქირურგიული პროცედურეფი. ენციკლოპედიას ეჭარილი რე დოხოლაფირო 200 ქირურგიული ინსტრუმენტი. ალ-ზაჰრავიშ ჸათე წინგი იგურაფუდჷ ევროპაშ ბრელ სამედიცინო უნივერსიტეტის, 1800-იან წანეფშახ. წინგის ეჭარილი ქირურგიული პროცედურეფი დო ინსტრუმენტეფი ასე ხოლო გიმირინუაფჷ მედიცინას. ალ-ზაჰრავი რდჷ პირველი ქირურგი, ნამუქჷთ გიმირინუ კეტგუტი, დინახალენი ორგანოეფიშ ელაჭალაშო.
ალ-ზაჰრავი რდჷ პირველი ექიმი, ნამუთ ანტკიცენდჷ ნამდა ჰემოფილია რდჷ გენეტიკური ლახარა. ალ-ზაჰრავიქ, თაშნეშე გიმირკვიუ პარალიზიშ ბაძაძეფი დო გიმიგონჷ ქირურგიული ინსტრუმენტეფი საკეისროშ დო კატარაქტიშ ოპერაციეფიშო.
ქოძირით თაშნეშე
რედაქტირაფარესურსეფი ინტერნეტის
რედაქტირაფა- ალ-ზაჰრავი ენციკლოპედია ბრიტანიკას
- ბიოგრაფიული ფაქტეფი