ანაფილაქსია

ანაფილაქსია (ბერძენ. ανα „ანა“ — ოაწმარენჯე, დო ბერძენ. φύλαξις „ფილაქსის“ — თხილუა) — ჰიპერსენსური ალერგიული რეაქცია, ნამუთ ევითარებჷ ადამიერს ვარ-და ბჟაშუმუს თიშ ორგანიზმშა შხვაშთური ანტიგენ-ალერგენიშ მოხვალამაშ ბორჯის. ანაფილაქსია შილებე გჷმიჭანუას ალერგენიშ გინოყინტუაშ, კანწკჷმა წაწაფიშ, ინექციაშ ვარ-და ოშა-გოშა შვანეფს, ინოშურღალაშ მეშქაშალათ.

კვინკეშ შინაფაშ (ანგიონერვოზული შინაფა) გეშა პაციენტის თოლიშ გონჯამა ვეშულებჷ.

ანაფილაქსიური შოკი რე ანაფილაქსიაშ არძაშე მონკა ფორმა, ნამუქჷთ შილებე მუსხირენ წუთშა ვარ-და სათშა გიმიჭანუას ადამიერიშ ღურა.

სიმპტომეფი

ანაფილაქსიაშ მაართა სიმპტომი რე კონწარი აბანობური რეაქცია, ალერგენიშ ორგანიზმწკჷმა წაწაფიშ აბანს ადამიერს ვარჩქვანელობურო კონწარო აჭუაფჷნ. ნაჩამკნა ვარ-და ნალიშუ აბანი შინდუ დო ჭოთონდჷ. ჩამინი წაწაფიშ აბანშე ედომუშან ორგანზმის ბიწორო გჷნმაჩამუ. ალერგენიშ გინოყინტუაშ შვანს მაართა სიმპტომი შილებე ორდას კონწარი ჭუა ქვარაშ აკანს, გურიშ ყარყალი დო ღალაფა, თაშნეშე პიჯიშ გვამიშ დო ხორხოტაშ შინაფა.

ბიწორას შინდუ ხორხოტა, ლეხის აჭყაფჷ ბრონქოსპაზმი დო ლარინგოსპაზმი, ნამუთ ართულენს შურღალას. გოხურგელი შურღალა იჭანუანს ქენთელერ, ხონარამ დო ხირზინამ შურღალას (ასთმური შურღალა). ივითარებჷ ჰიპოქსია. ლეხის ბიწორას ფერი უდინუ, დუთმუოლჷ არტერიული წნევა. ანაფილაქსიათ დალახებულეფს შილებე გურქჷთ წურთასჷნ.

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.