ანა ახმატოვა (რუს. А́нна Андре́евна Ахма́това, დაბადებაშ გვარი გორენკო, რუს. Го́ренко; დ. 23 მანგი [ჯვ.სტ. 11 მანგი], 1889, ოდესა, ხერსონიშ გუბერნია, რუსეთიშ იმპერია — ღ. 5 მელახი, 1966, მოსკოვი, რსფსრ, სსრრ) — რუსი პოეტი, ჭარუ დო მათანგალი. ნომინირაფილი რდჷ ნობელიშ პრემიაშა ლიტერატურაშ დარგის. თიში პოეზია ორხველუდჷ აკმეიზმიშ ლიტერატურულ გემაჸვენჯობას.

ანა ახმატოვა
დაბადებაშ თარიღი:

23 მანგი, 1889
[ჯვ.სტ. 11 მანგი]

დაბადებაშ აბანი:

ოდესა, ხერსონიშ გუბერნია, რუსეთიშ იმპერია

ღურაშ თარიღი:

მელახი 5, 1966 (76 წანერი)

ღურაშ აბანი:

მოსკოვი, რსფსრ, სსრრ

ერუანობა:

რუსი

საქვარუა:

პოეტი, ჭარუ, მათანგალი

პერიოდი :

1912—1965

Magnum opus:

რექვიემი

ნინა:

რუსული ნინა

ჯილდოეფი:

ეტნა-ტაორმინაშ პრემია (1964)

ხეშმოჭარუა

ანა ახმატოვა გურაფულენდჷ ომაფე გიმნაზიას. უკულ გურაფა გაგინძორჷ კიევიშ უნივერსიტეტის. პოეზიათ ორდოიანი წანეფიშე დეინტერესჷ. ლიტერატურული კარიერა 1910-იან წანეფს დიჭყჷ. მაართა ლერსეფი 1912 წანას გჷმაბჟინუ. ახმატოვას ტრაგიკული ცხოვრება უღუდჷ. თიში მაართა ქომონჯი ნიკოლაი გუმილიოვი 1921 წანას გორხვეს, ახმატოვაშ მასმა ქომონჯიქ ნიკოლაი პუნინიქ გულაგის დოღურჷ, გულაგის, ბრელ წანას ხედჷ ახმატოვაშ სქუა ლევ გუმილიოვი ხოლო.

ანა ახმატოვაშ არძაშე უმოსო შინელი ნაწარმები რე პოემა "რექვიემი", სოდეთ ავტორი ეთმოჭარუნს ადამიერეფიშ რინას სტალინური ტირანიაშ დო ტერორიშ თუდო. რექვიემი რუსული ლიტერატურაშ შედევრო რე მერჩქინელი.

ახმატოვაშ ნაჭარეფი სსრრ-შ ცენზურაქ აკრძალჷ, ბრელი ხოლო დოჭვეს დო მოჯალაგეს. მარა ჸათეშ გეშათ, ახმატოვას რუსეთი ვადუტებუ დო ემიგრაციაშა ვაულინჷ. ახმატოვაქ ღურუ 1966 წანაშ 5 მელახის, 76 წანერქ.

ანა ახმატოვაქ 1964 წანას მიპალუ ეტნა-ტაორმინაშ პრემია (იტალია). 1965 წანაშე რდჷ ოქსფორდიშ უნივერსიტეტიშ საპატიო დოქტორი. 1989 წანას სანქტ-პეტერბურგის გინწყჷ ანა ახმატოვაშ ლიტერატურულ-მემორიალურ მუზეუმქ.

რესურსეფი ინტერნეტის რედაქტირაფა

 
ვიკიოწკარუეს? რე ხასჷლა თემაშენ: