ანგელოზპატონი

დუდი თარანგელოზი აბრაამიშურ რელიგიეფს

მიქამგარია თაშნეშე მიქაელ თარანგელოზი, ანგელოზპატონი (ჯვ.-ური.‏מיכאל‏‎, ურიულ. מִיכָאֵל; ჯვ.-ბერძენ. Ἀρχάγγελος Μιχαήλ) — ღორონთიშ ანგელოზეფიშ დასიშ მადუდე ანგელოზი — თარანგელოზი. მართლმადიდებელურ ოხვამეს თიში შინუაშ დღა რე 8 (21) გერგობათუთა დო 6 (19) ეკენია, კათოლიკურს29 ეკენია.

მიქამგარია
ანგელოზპატონი „ანგელოზეფიშ დონთხაფას“, ლუკა ჯორდანოშ ნახანტი
თარანგელოზი, სამოთხეშ დასიშ მაფასქირი (მადუდე)
სქესი ვაუღუ, შხირას გიმიხანტუ ახალნორდიშ ვარ-და ქომოლკოჩიშ სახეთ
ჯოხოშ შანულობა „მირე ღორონთიშ მანგი?“ (შანულობათ „მითინ ვა რე ღორონთიშ მანგი“)
ჯოხო შხვა ნინაშა ჯვ.-ბერძენ. Ἀρχάγγελος Μιχαήλ
ურიულ. המלאך מיכאל
არაბ. ‏ميكائيل,(მიქაელი)‎‎
მიშინუაფუ ხუთშა ბიბლიას (დან.10:13,21, დან.12:1, იუდ.1:9 დო გჷმოც.12:7-9)
შინუაშ დღა 6 (19) ეკენია,
8 (21) გერგობათუთა, 29 ეკენია (კათოლ.)
მერსხილი მოლინეფი დღანარკვანი; დრაკონწკჷმა ბურჯაფი, ნამუთ გეჸუნს აპოკალიფსისიშ ალმასქუს
მათხილარი გერმანია, კიევი, ბრიუსელი, არხანგელაკი, მალოარზანგელაკი, არხანგელაკიშ ოლქი,

პოლიციელეფი, ოურდუმეეფი, კაზაკეფი, მოვაჭარეეფი, მეზუღეეფი, მედესანტეეფი, დალახებულეფი, კათოლიკურ ოხვამეშ მათხილარი, ვატიკანიშ დო ურია კათაშ მათხილე

ატრიბუტეფი გჷმიხანტუაფუ ქერქენჯიშ მაჯილიკარო; ედომუშამ ანაგით — ჯაშთით დო მახეთ; ცხენს გემახვენჯი — ბორზალით; მაფურკაფალით დო სახწორით; დეისუსიშ ჩინეფს გჷმიხანტუაფუ უანჯარეთ, ხეს სარკეთ. სუამი

თარანგელოზ მიქამგარიაშ დო შხვა უხორცე ჟინმარენჯეფიშ ხუნაშ ეშანუაქ გინოჭყორდჷ ლაოდიკიაშ აბანობურ ხუნას, ნამუქჷთ IV ოშწანურაშ დაჭყაფუს, ნიკეაშ I მოსოფელიშ ხუნაშახ მუსხირენ წანაშ კინოხ იმანჯჷ. ლაოდიკიაშ ხუნაქ გიდღანუ დო იუარუ ანგელოზეფშოთ ღორონთიშური პატიშ ჩამა დო დანტკიცჷ თინეფიშ მართლმადიდებელური პატიცემა.

დღახუ ეიშანუაფუ მელახშე (სოიშეთ ჯვეშო წანმოწანაშ ეკოროცხუას იჭყანდესჷნ) მაჩხორა თუთას — გერგობათუთას, ნამუთ ანგელოზეფიშ ჩხორო დასის ომანგუ. თუთაშ მაბრუო დღა მიმოხვამილუანა არძა უხორცე ჟინმარენჯეფიშ კარუაშა „დღაში მაბრუოში“, მუჭოთ წიმინდე მუმალეფს უჯოხოდეს ღორონთიშ მაჟირაშა მულას დო დღანარკვანს. წიმინდე მუმალეფი ოქიანუშ ჸოფაშ ხანს სიმბოლურო შესაქმეშ შკვით დღას მეთმურსხუანა, შკვითი ვითოშწანურაშ უკული („ნამუ ვითოში წანა სქან თოლიშ წჷმი რე, ღორონთი, მუჭოთ გოღანერი დღა“; ფს. 89, 4) ოკო იჸუას „დღა მაბრუოქ“, „მუჟანსჷთ ქუმურს სქი კოჩიში დიდებათი მუშითი, დო არძა ანგელოზი თიწკჷმა ართო“ (მთ. 25, 31).

მიქამგარიაქ გითარაგჷ ანგელოზი ლუციფერი (მაბარჩხალე). ღორონთიშით მენაჩემუ მარდით ქერქენჯიშა გიორჯგინალო, თის გიშაკერზაფილ პატის არზენა შხვადოშხვა კონფესიაშ წჷმმარინაფალეფჷთ. ხატეფს დო ფრესკეფწ თარანგელოზ მიქამგარიას, მუჭოთ გემარჯგინალს არძა ნტერულ ნძალიაშა - ხატეფს ჯაშთით - ღორონთიერი მარდით გოქუნელს გჷმოხანტჷნა. მიქამგარია კუჩხეფით დემონს გჷთმანთხჷნს, კვარჩხან ხეს ზეთიშხილიშ წვანე ყა, ვარ-და სუმკუნთხური ფარი უკებუ. მარძგვანს უკებ ბორზალი ჩე შილათ (კანკალეშა - დაჩხირამი მახე), ნამუსჷთ დინცხფერიშ ჯვარი რე გჷმოხანტილი. კანკალე ხატის ჟინმარენჯეფიშ ცხენენჯმადუდე ბორზალით გჷთმაჭალაბანს დიხაუჩას გოკარკატელ გვერს.

რესურსეფი ინტერნეტის

რედაქტირაფა
 
ვიკიოწკარუეს? რე ხასჷლა თემაშენ: