ანდორაშ შილა

ანდორაშ შილა (კატალან. Bandera d'Andorra) — ანდორაშ სახენწჷფო სიმბოლო გერბი დო ჰიმნწკჷმა ართო. თე სუმფერამი შილა მეღებული რე 1866 წანას. ართი მეჯინათ, სუმხოლო ღოზი ართნერი სიგინძაში რე, მარა რეალურო ცენტრალური ჸვინთელი ღოზი უმოსი ფართე რე ვინდარო ლენი ვარდა ჭითა. თინეფიშ სიგანეეფიშ ზჷმეფი რე 8:9:8.

ანდორაშ შილა

ანდორაშ სათარო

1866 წანას (ორიგინალური შილა) 1971 წანაშ 27 მარაშინათუას (თეხანური შილა)

7:10

ანდორაშ შილა წჷმარინუანს თინკუნთხუამ ნორშვის, ნამუთ აკმოდირთუ სუმი ვაწორწო ზჷმაშ ვერტიკალური ლენი, ჸვინთელი დო ჭითა ღოზიშე (პროპორციათ 8:9:8). ცენტრის (ჸვინთელი ღოზის) გჷმოხანტილი რე ანდორაშ გერბი.

შილაშ დიზაინი აკოქიმინელი რე საფრანგეთიშ დო ესპანეთიშ (მორჩილი ქიანაშ ზოხორინალაშ მათხილარი ქიანეფიშ) შილეფიშ მეჯინათ. ანდორაშ შილა საფრანგეთიშის სუმფერუამობათ დო ღოზეფიშ ვერტიკალური დვალუათ მოგენს, ფართე ცენტრალური ღოზი — ესპანეთიშ შილაშ გოლინაშ შედეგი რე. ლენი დო ჭითა ფერეფი იმაჟირებუ საფრანგეთიშ, ჸვინთელი დო ჭითა ფერეფი — ესპანეთიშ შილას.

1806-1866 წანეფს, ანდორას გჷმირინუაფუდჷწორწო ზჷმაშ ვერტიკალური ჸვინთელი დო ჭითა ღოზეფშე აკოქიმინელი შილა.

ანდორაშ შილა ფერეფით დო თინეფიშ დვალუათ ძალამ მოგენს რუმინეთიშ, მოლდოვაშ დო ჩადიშ შილეფს, მორო თინეფშე პროპორციეფით დო ფერეფიშ ჭვიაფათ იშხვავებუ, თეწკჷმა ართო თე ქიანეფიშ შილეფიშ ღოზეფი წორწო სიგანაშ რე. ჩადიშ დო რუმინეთიშ შილეფს, ანდორაშ დო მოლდოვაშ შილეფშე გინორთი, ერუანული გერბი გჷმოხანტილი ვა რე.

პროპორციეფი

შილაშ პროპორცია რე 200:140 (კინ 10:7).

ანდორაშ შლაშ კონსტრუქცია დო პროპორციეფი.

შხვა შილეფი

• 
  ანდორაშ შილა 1806-1866 წანეფს
• 
  1866-1939

მოგვენი შლეფი

• 
  რუმინეთიშ შილა
• 
  მოლდოვაშ შილა
• 
  ჩადიშ შილა

თაშნეშე ქოძირით

• ანდორაშ გერბი
• ანდორაშ ჰიმნი

რესურსეფი ინტერნეტის

• ანდორაშ შილა (ინგლისური)