არტური ილმარი ვირტანენი

არტური ილმარი ვირტანენი (ფინ. Artturi Ilmari Virtanen; დ. 15 ღურთუთა, 1895, ჰელსინკი, ფინეთიშ დიდი ოთარე, რუსეთიშ იმპერია — ღ. 11 გერგობათუთა, 1973, ჰელსინკი, ფინეთი) — ფინარი ქიმიკოსი, უმოსო ხანდენდჷ აგროქიმიაშ დარგის, დარსხუ აგროპროდუქტეფიშ (სილოსიშ) კონსერვაციაშ აივ მეთოდი. აივ მეთოდიშ დორსხუაფაქ გაუჯგუშჷ ოფუტეშ მეურნობაშ პროდუქტიულობა. ვირტანენქ მუშ გიმნაგონებ მეთოდის სახელ გიოდუ მუშ ინიაციალეფიშ გიმორინაფათ: რტური ლმარი ირტანენი (აივ). ვირტანენი გურაფულენდჷ ქიმიას ჰელსინკიშ უნივერსიტეტის, სოდეთ მიპალუ მაგისტრიშ ხარისხი 1913 წანას დო დოქტორიშ ხარისხი 1918 წანას. 1919 წანაშე მუშენდჷ ფინური კომპანია Valio-შ ლაბორატორიას, 1920 წანაშე რდჷ ლაბორატორიაშ დირექტორი. მალას კომპანია ქიდიტუ დო გურაფა გაგინძორჷ ციურიხიშ ფედერალური ტექნოლოგიეფიშ ინსტიტუტის, მიუნსტერიშ უნივერსიტეტის დო უკულ სტოკჰოლმიშ უნივერსიტეტის. 1923 წანას, შვედეთის მუშენდჷ ჰანს ფონ ეილერ-ჩელპინიწკჷმა. 1924 წანას ფინეთშა დირთჷ დო მუშობა ქიდიჭყჷ ჰელსინკიშ უნივერსიტეტის ქიმიაშ ლექტორო. 1931 წანაშე რდჷ ჰელსინკიშ ტექნოლოგიაშ უნივერსიტეტიშ ბიოქიმიაშ პროფესორი. 1945 წანას ვირტანენს გინოჩეს ნობელიშ პრემია ქიმიაშ დარგის.

არტური ილმარი ვირტანენი
ფინ. Artturi Ilmari Virtanen
დაბადებაშ თარიღი:

15 ღურთუთა, 1895

დაბადებაშ აბანი:

ჰელსინკი, ფინეთიშ დიდი ოთარე, რუსეთიშ იმპერია

ღურაშ თარიღი:

გერგობათუთა 11, 1973 (78 წანერი)

ღურაშ აბანი:

ჰელსინკი, ფინეთი

მენოღალობა:

ფინეთიშ შილა ფინეთი

ომენცარე სფერო:

ქიმია

სამუშაშ აბანი :

ჰელსინკიშ ტექნოლოგიაშ უნივერსიტეტი
ჰელსინკიშ უნივერსიტეტი

ალმა-მატერი:

ჰელსინკიშ უნივერსიტეტი

ჩინებული რე მუჭოთ:

აივ მეთოდიშ დუმარსხუაფალი

ჯილდოეფი დო პრემიეფი:

ნობელიშ პრემია ქიმიას (1945)

რესურსეფი ინტერნეტის რედაქტირაფა