არძაშე ხვეიანი ფილმეფიშ ერკებული

ფილმეფი მიშნალს იღენა შხვადოშხვა შარათ: კინოთეატრეფს გოტებაათ, DVD ვარდა შხვა ფორმატიშ გჷშაშქუმალათ, ტელეძირაფაშ ნებაშ გიმოჩამათ დო საცალე ვაჭრუათ. მორო, კინოთეატრეფს გოტებათ მეღებული მუშნალი რე ფილმიშ კომერციული წჷმოძინაშ არძაშე ზუსტი მაძირაფალი, თიშენ ნამდა, კინოთეატრეფს მიშნაულა ფარაშენ ინფორმაცია უმოს რე, ვინდარო მიშნაულაშ შხვა წყუშენ. ერკებულს მიშაჸონაფილი რე არძაშე ხვეიანი ფილმეფი ედომშამო, არძაშე ხვეიანი ფილმეფი კალენდარული წანეფიშ მეჯინათ, არძაშე ხვეიანი ფილმიშ რეკორდიშ დოდვალაშ ქრონოლოგია დო არძაშე ხვეიანი ფრენჩაიზეფი. არძა ერკებულს, სახეშ ღვენას უღუნა ფილმიშ ნაძირეფჷ მინაჭირნაფუს კინოთეატრეფს მიშნალი ფარათ მოსოფელიშ მასშტაბით. ვარე გოთოლწონაფილი შხვა შარეფით მეღებული მიშნალუეფს.

ბორიას დინაფილს უღუდჷ არძაშე უმოს მიშნალუამი ფილმიშ რეკორდი 25 წანას, დუნამოწმებ რე ფარაშ გაფურჩებათ, გიმიმუშჷ უმოს ფარა ვინემ შხვაქ.

ტრადიციულო, ოლჷმარი, მუსიკალური ვარდა ისტორიული დრამაშ ჟანრეფი არძაშე უმოს პოპულარული რე, მორო 21-ა უკუნს არძაშ უჯგუში კომერციული მეჭირნაფა ფრენჩაიზეფს უღუნა. „ჰარი პოტერიშ“, „მარწკინდეფიშ მაზოჯალიშ“ სერიაშე ნომინალურო არძაშე მიშნალუამი ფილმეფს ხუთ-ხუთი გამა ფილმი რე. სიეფს ხოლო რენა ფილმეფი „მურიცხული ლჷმეფიშ“, „კარიბიშ ზუღაშ კორსანტეფიშ“ დო „იურული პარკიშ“ სერიაშე. ფრენჩაიზეფიშ მეტი, წჷმოძინა უღნა სუპერგერგეზეფშენ დო კომიქსეფს დორსხუაფილი ფილმეფს დო ფრენჩაიზეფს (ბორბოლია კოჩი, იქს ადამიერეფი, ბეტმენი და თ.უ). თიშ უმკუჯინუო, ნამდა ერკებულიშ დუს უმოსო რენა ფილმეფი, ნამუეფქჷთ რდეს ჩინებული დო უღუდეს ისტორია, მაართა დო მაჟირა პოზიციას იკინენა ჯიმალეფი რუსოეფიშ ნჯარიშ ეშმაღალარეფი:ლაჸაფიშ დათებუ დო ჯეიმს კემერონიშ ნახანდა „ავატარი“. კომერციულო წჷმოძინელი რე ანიმაციური ფილმეფით; ათე ლიშანით, ოსადიე პოზიციეფს რენა „Disney“ დო „Pixar“-ი. თენეფიშ მეტი, ხოლო მაღალი მიშნალუეფი უღუნა „გაჯოგალი მას“, „შრეკის“ დო „დიდი გოჸინუას“.

მართალი რე, ინფლაციაქ გადინუ 1960-იანი დო 70-იანი წანეფიშ ფილმეფიშ მეჭირნაფუეფი, დიო ხოლო რე ფრენჩაიზეფი, ნამუექჷთ თიმწკჷმა დიჭყეს. თენეფი რენა: „სუპერმენი“, „ჯეიმს ბონდი“, „სტარ ტრეკი“ დო „მურიცხული ლჷმეფი“. მინი ფილმი, ნამუთ მუშს ბორჯის ათე ერკებულს რდესჷნ, ამდღანერი სტანდარტეფით ხოლი ძალამი ინნახანტი მინაჭირნეფუს ოძირანა, მორო, უბაღინერს ამდღანერ რეკორდსმენეფწკჷმა ელაზიმაფათ. ინფლაციაშ გოთოლწონებათ, ფილმი „Gone with the wind“, ნამუთ მუში ბორჯის არძაშე ხვეიანი ფილმი რდჷნ, ამდღა ხოლო ერკებულიშ დუდს იჸიდჷ. ერკებულს არძა ფილმიშ ნომინალური მიშნალი ააშ დოლარს რე მოჩამილი.

25 არძაშე უმოს მიშნალუამი კინოშ შქა ნჯარიშ ეშმაღალარეფი: ლაჸაფიშ დათებუ რე მაართა, ნამუთ რე Marvel Studios ნახანდა, პრეზიდენტი კევინ ფეიგი.

არძაშე მიშნალუამი ფილმეფი

2019 წანას გინოღალირი ფილმი "ნჯარიშ ეშმაღალარეფი:ლაჸაფიშ დათებუ" რე არძაშე ხვეიანი ფილმი, თიქ გიმიმუშჷ 2. 978 მილიარდი დოლარი. თიშო ნამდა თიქ გინუჭიშუკონ ჯეიმზ კამერონიშ „ავატარსჷნ“ ჟირშა გუტეს კინოთეატრეფს, "ავატარქ" 2.7 მილიარდი ააშ დოლარიშ მიშნალი მიღჷ. გჷმოჩამეფიშ გოთოლწონუათ, მუჭოთ „ავატარიშ“, ხოლო „ტიტანიკი“ მიშნალი სოდგარენ 3 მილიარდი დოლარი რე. ოტელევიზიე ძირაფეფიშ ნებაშ გიმოჩამათ ხოლო ძამი ნორთი რე ფილმიშ მიშნალშო. მაგალთო, „ტიტანიკიქ“ ნებაშ გიმოჩამათ „NBC“-შე დო „HBO“-შე სოდგარენ 55 მილიონი დოლარი მიღჷ — ოორუე ამერიკას მეღებული მიშნალუშ 9 პროცენტი რე.

=არძაშე ხვეიანი ფილმი

• 1) ნჯარიშ ეშმაღალარეფი: ლაჸაფიშ დათებუ (2019), 2.798 მილიონი
• 2) ავატარი (2009), 2.79 მილიონი
• 3) ტიტანიკი (1997), 2.187 მილიონი
• 4) მურიცხული ლჷმეფი:ნძალაშ გიშაკურცხინაფა (2015), 2.068 მილიონი
• 5) ნჯარიშ ეშმაღალარეფი: უმუჭყვადუ ლჷმა (2018), 2.048 მილიონი
• 6) იურული ოქიანუ (2015), 1.670 მილიონი
• 7) მაფა ნჯილო (2019), 1.657 მილიონი
• 8) ნჯარიშ ეშმაღალარეფი (2012), 1.519 მილიონი
• 9) ფორსაჟი 7 2015, 1.516 მილიონ
• 10) გოჸინილი II (2019), 1.450 მილიონი