ასიმა ჩატერჯი
ასიმა ჩატერჯი (ბენგ. অসীমা চট্টোপাধ্যায়; დ. 23 ეკენია, 1917, კოლკატა, ბრიტანეთიშ ინდოეთი — ღ. 22 გერგობათუთა, 2006, კოლკატა, ინდოეთი) — ინდოარი ქიმიკოსი.
| ასიმა ჩატერჯი | |
| ბენგ. অসীমা চট্টোপাধ্যায় | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გერგობათუთა 22, 2006 (89 წანერი) |
| ღურაშ აბანი: |
კოლკატა, ინდოეთი |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
ინდოეთიშ მენცარობეფიშ ერუანული აკადემიაშ მაკათური (1960) |
ბიოგრაფია დო მენცარული რკვიებეფი
რედაქტირაფაასიმა ჩატერჯიქ დებადჷ 1917 წანაშ 23 ეკენიას, ინდოეთიშ ნოღა კოლკატას. გურაფულენდჷ ქიმიას კოლკატაშ უნივერსიტეტის. 1936 წანას ჩატერჯიქ მიპალუ მენცარობაშ ბაკალავრიშ ხარისხი დო 1938 წანას მაგისტრიშ ხარისხი. ოდოქტორე დისერტაცია თხილუ 1944 წანას კოლკატაშ უნივერსიტეტის. ასიმა ჩატერჯი რდჷ მაართა ოსური ნამუქჷთ მიპალუ დოქტორიშ ხარისხი ინდოეთის. კოლკატაშ უნივერსიტეტიშ უკულ, ჩატერჯიქ გურაფა გაგინძორჷ ამერიკას, ვისკონსინიშ უნივერსიტეტის დო კალიფორნიაშ ტექნოლოგიაშ ინსტიტუტის. უკულ ინდოეთიშა დირთჷ დო მუშობა ქიდიჭყჷ კოლკატაშ უნივერსიტეტის ქიმიაშ ლექტორო. 1962 წანაშე 1982 წანაშა რდჷ კოლკატაშ უნივერსიტეტიშ ქიმიაშ პროფესორი. ასიმა ჩატერჯიქ გიმირკვიუ ვინკა-ალკალოიდეფი, მიშეღჷ დიდი თია ანტი-ეპილეფსიური, ანტი-მალარიული, ანტი-კონვულსიური დო ქიმიოთერაპიული წამალეფიშ გოვითარაფაშა. ჩატერჯიშ არძაშე უმოსო ჩინებული პრეპარატი რე ანტი-ეპილეფსიური წამალი - 'Ayush-56' - ნამუთ ასე ხოლო გიმირინუაფჷ. ჩატერჯიქ დიგურუ დო გიმირკვიუ შხვადოშხვა ომედიცინე ჩანარეფი, რე ავტორი მენცარული წინგეფიშ, ინდოეთიშ სუბ-კონტინენტიშ ომედიცინე ჩანარეფიშ გეშა. ჩატერჯი რდჷ ინდოეთიშ პრესტიჟული ჯილდოეფიშ დო პრემიეფიშ ლაურეატი. 1961 წანას გინოჩეს შანტი სვარუპ ბჰატნაგარიშ პრემია დო 1975 წანას პადმა ბჰუშანი. რდჷ შხვადოშხვა ომენცარე ინსტიტუტეფიშ საპატიო დოქტორი. ნომინირაფილი რდჷ 1982-1990 წანეფს რაჯია საბჰაშ მაკათურო. ასიმა ჩატერჯიქ ღურუ 2006 წანაშ 22 გერგობათუთას, ნოღა კოლკატას, 89 წანერქ.