აჩემება
აჩემება, ანუ ობსესია (ლათ. obsessio) ვარ-და აჩემებული იდეა — ფსიქოპათოლოგიაშ ართ-ართი შხირი სიმპტომი. სამანგათ, თინა ახასიათენს ობსესიურ-კომპულსიურ აკორცუაფას (ოკა). ათე ბორჯის ადამიერი გოჭოფილი რე თე დო თი იდეათ, ნამუშა კუჩხიშ გჷნობიჯგაფა ვამახუჯინე, თიშ უმკუჯინალო, ნამჷ-და თე იდეა ვარ-და არზი შილებე უაბანე ორდას დო შხირი. რე შხვადოშხვა კატეგორიაშ აჩემებეფი: სისუფთაშ, სიმეტრიაშ დო თ.უ.
აჩემებეშე გჷმოჭანაფილი ბარძღინიშ დო ნერვიულობაშ განეიტრალაფარო ადამიერი გჷმირინუანს ქიმინუეფს, ნამუთ თაშნეშე აჩემებულო გჷნმართუ დო თინეფს კომპულსია ჯოხო (ლათ. Compulsio). თე ქიმინუეფი0 შილებე ბონ რსხუთ ვარდა აჩემებულ იდეაწკჷმა დო თეშ გეშა გალეშე დჷმაკვირეს შილებე გუჭირდას თე რსხუშ მებუნაფაქ. მარა, უმოსი ტომბა დოკვირაფაშ შედეგო თეჯგურა რსხუ ირო რე.
თე სახეშ ლახარეფიშ სქილადა მუთმოხვადუ მედიკამენტური დო ფსიქოტერაპევტული კურნალუაშ კომბინაციათ. შხირას გჷმირინუაფუ თაშ ჯოხოდვალირი ანტიდეპრესანტული მეშქაშალეფი, მარა უმოს მაღალ დოზეფს ვინდარო თენა დეპრესიაშ სქილიდაფაშ ბორჯის რენ. კურნალუაშ შედეგეფს 8-მარა დო უმოსიქ შილებე მიკორინუას დო ოკო იმანჯას ექსპერტი ფსიქიატრიშით.