აცირგება

„ბულინგი“ თე სტატიაშა გინმურს. შხვა შანულობაშო ქძ. ბულინგი (მიარეშანულამი).

აცირგება (ბულინგი — ინგლ. bullying თანგუათ დოშქურინაფა) — აგრესიული თხოზინი დო გეძიცა ართ ბუნაშ მაკათურშა მაჟირაშჸურე, თაშნეშე პიჯეფიშ ბუნაშე, ვა რე უციო ორდას ართ ფორმალურ ვარ-და შხვეფშე აღიარაფილი ბუნაშე. აცირგებას გეგმენს ართი აგრესორი, კანკალეშა ალან-ჩალანწკჷმა, უმენტაში სქიდუ მოწამეთ. აცირგებაშის ოკიბირალს დუდ ვათხილე გემანთხაფალ(ეფ)შე, თეშნერო, აცირგებას გინორთი უღჷ კონფლიქტიშე, სოდე ნძალეფიშ მუდანობა დოხოლაფირო წორწოთ რე. აცირგება შილებე ორდას მუჭოთ ფიზიკური, თეშ ფსიქოლოგიური ფორმაში. დუდს ირჩქინანს არძა ხანობურ დო სოციალურ ბუნას. რთულ შვანეფს შილებე მიღას დჷმაშებური ბუნაშ სახე.

აცირგებაშ გიშაკერზაფილ ფორმათ გიშმართჷნა ბუნურ აცირგებას („არგვათაშ აცირგება“), ბუნაშ უმენტაშობაშით ვარ-და არძა მაკათურიშით (მიკროჯარალუა), შხირას უნჩაშიშე, დუმასაქმებელშე (ჟარგ. „მობინგი“).

სპეციალისტეფი აცირგებაშ გჷმოხანტუათ აფასენა კუჩხიშ გედგუმას, რჩქინას, ფიზიკურ აგრესიას, ოკიბირალიშ დო თიშ საქვარუაშ იროიანი ნეგატიური ფასებას, ნდებაშ ვარებას დო თ.უ.

აცირგებაშ ფორმეფი

აცირგებაშ ჟირი თარი ფორმა რე:

აცირგებაშ ფსიქოლოგიური ფორმა — რცქინი, გეძიცა, ეკობრალება, იზოლაცია, დოშქურინაფა ტრამვული ფიზიკური აგრესიაშ უმუშო (გეტვარაფა) დო შხვ.
აცირგებაშ ფიზიკური ფორმა — გეჯიკაფა, ლახუა, შხვა ნძალებური ფორმეფი, ოკიბირალიშ დორხველუაშ გილალუაფა დო შხვ.; მინშა გჷმირინუაფუ ანჯარი.

აცირგებაშ ფორმაშ გიშაგორუაშა გულკას იღვენუანს მაკათურეფიშ ხანი (აცირგება ბაღანეფს უმოს ლექინი რე ვინდარო მარდაშეფს) დო სქესი (ქომოლკოჩეფი შხირას გჷმირინუანა ფიზიკურ ფორმას, ოსურეფი — ფსიქოლოგიურს).

ეკონია ბორჯის გორჩქინდჷ ინტერნეტ-აცირგებაქ (კიბერაცირგება) — აცირგება ინტერნეტით, ელექტრონულ ფოსტათ, SMS-ით დო შხვ.

დედოვშჩინა ჯარს თაშნეშე წჷმარინუანს აცირგებაშ ფორმას.

რესურსეფი ინტერნეტის

Citizens Advice in the UK Archived 2020-11-29 ვებ-ხასჷლას Wayback Machine.
Bullying. No Way! (Australian Education Authorities)
აცირგება სკოლას (UK – schools)
PBSKids.org "ჯგირი წინგეფი აცირგებაშ გეშა"
Be Brave Against Bullying, a UFT project
U.S. Department of Education's Education Resources Information Center (ERIC)
Bully Online Archived 2019-08-26 ვებ-ხასჷლას Wayback Machine.

ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.