ბადიდი დო ზუღა (ინგლ. The Old Man and the Sea) — ერნესტ ჰემინგუეიშ თხობელუა, ნამუქჷთ იჭარჷ კუბას 1951 წანას, ოდო გჷმიბჟინუ - 1952-ს. თენა რე ავტორიშ ეკონია შანულამი ნაჭარა. თხობელუაშენ ავტორს ნობელიშ პრემია მეჩეს[1][2]

ბადიდი დო ზუღა

The Old Man and the Sea

ავტორი: ერნესტ ჰემინგუეი
ქიანა: ააშ
ნინა: ინგლ.
ჟანრი: ტრაგედია, ნოველა
გჷშმაშქუმალარი: Charles Scribner's Sons
გჷშაშქუმალაშ
თარიღი:
1952
მედია ბეშტური (ფსქელი დო თხჷთხჷ კაბრამი)
ხასჷლა: 127 ხს.
isbn 978-0-684-80122-3
oclc 33134129

კრიტიკარედაქტირაფა

კრიტიკაქ გვალო შხვადოშხვანერი ლოგინუა მეჩჷ თე თხობელუას. ნამთინე თიშ დინოხ ხვალახობაშ ჭიროთის დო ტრაგედიაშ სიმბოლოს ორწყე, ოდო ნამთინეს თინა გერგეზობაშ დო ქომოლობაშ ოჭყაფუთ მიორჩქჷ. თენა ალეგორიული ნახანდი რე. თხობელუაშ თარი გერგეზი, ბადიდი სანტიაგო, ითამ, დასურო წისაფულენც მარცხის, ედომუშამი ოთხონეჩიდოხუთი დღაშ ჭიროთიშ დო კეკინიშ უკული ვერწემი ჩხომც ქჷმოხვადუ, ძიუთ დო ღურათ ოჭოფუნც, მარა საბოლათ ზვიგენეფი მიდუღანა, მუ კჷნე ხეჩოლერო ირთუ ჸუდეშა, შქჷრენული დო გუნაწამებუ. თეშ უმკუჯინუო, თე თხობელუა იშენით ადამიერიშ ურჯგინუობას დო შურიშ უგუტახუობას უბირც. თიში ფინალი იშენით მერეთო ოპტიმისტური რე დო თეთ იშხვანერებუ ავტორიშ შხვა ნახანდეფშე. ინტერესუანი რე თვითან ჰემინგუეიშ ზიტყვეფი თე თხობელუაშ გეშა:
თეჟამო დასურო გომიძიცუ ჭარაქ, მიფხუჯე გჷნოჩამა ადამიერიშ გჷნაფეფიშ თეშ, მუჭოთ დიო მითინც ვა გჷნუჩამუნ. თენა თიშენი მიფხუჯე, ნამუდა ჯგირი ბადიდის დო ჯგირი ბოშის აკოფხვადჲ, - ოდო ჭარუეფქ თე ეკონია ხანეფც გვალო დიჭყოლიდეს ქიანას ჯგირიშ დო ფურიშ რინა"

სქოლიორედაქტირაფა

  1. (November 8, 1954) „Heroes:Life with Papa“. Time. კითხირიშ თარიღი: 2009–12–12. 
  2. The Nobel Prize in Literature 1954. Nobelprize.org. კითხირიშ თარიღი: 2009-10-04.

ლიტერატურარედაქტირაფა

  • ერნესტ ჰემინგუეი - ტომი IV, "ლიტერატურა დო ხელუანობა", ქართი, 1965, 342-343 ხს.