ბაიაზიდ I

ბაიაზიდ I (ოსმ. بايزيد اول, თურქ. I. Bayezid, შინელი რე მეტჯოხოთ ილდირიმი, დ. დოხოლაფირო 1360 — ღ. 8 მელახი, 1403) — ოსმალეთიშ იმპერიაშ სულთანი 1389-1402 წანეფს. რდჷ მურად I-შ დო თიში ალმასქუ გიულჩიჩექ ხათუნიშ ქომოლსქუა.

ბაიაზიდ I بايزيد اول
ბაიაზიდ I ქრისტოფანო დელ'ალტისიმოშ ნახანტა, XVI ოშწანურა
ოსმალეთიშ სულთანი
პოსტის გერინაშ ბორჯი
16 მანგი, 1389 – 20 კვირკვე, 1402
წიმოხონი	მურად I
მონძე	მეჰმედ I
დუნაბადი	დოხ. 1360 ედირნე, ოსმალეთიშ იმპერია
ნაღურა	8 მელახი, 1403 (42 წანერი) აკშეჰირი, ოსმალეთიშ იმპერია
ნთხორუ აბანი	ბაიაზიდ I-შ მეჩეთი, ბურსა
მუმა	მურად I
ნანა	გიულჩიჩექ ხათუნი
ალმასქუ	დევლეთშაჰ-ხათუნი დევლეთ ხათუნი ოლივერა დესპინა ჰაფსა-ხათუნი მარია ფადრიკე დო შხვეფი
სქუალეფი	ფატიმა ხუნდი ხათუნი სულეიმან ჩელები ისა ჩელები მუსა ჩელები მუსტაფა ჩელები მეჰმედ I
რელიგია	სუნიზმი
ხეშმოჭარუა

მართუალაშ გოძვენას, ბაიაზიდი აწარმენდჷ დუმაჸუნაფალი ლჷმეფს ბალკანეთის დო ანატოლიას. ბაიაზიდიშ ხემანჯღვერობათ ოსმალეფქ ქიდეკინეს სერბეთი, ბულგარეთი, მაკედონია, თესალია. ოსმალეფქ, თაშნეშე ილესქერეს მორეას დო უნგრეთის. ბაიაზიდიქ, 1396 წანას, ნიკოპოლიშ გოხოლუას დამარცხჷ ჯვაროსანეფი. ქიდიჸუნუ ბოსნია დო ხარკი ქიგიოდუ ვლახეთის. წჷმოძინელი ოურდუმე კამპანიეფით, ბაიაზიდიქ ოსმალეთიშ აკოდგინალუაშა გემშეჸონჷ ბალკანეთიშ ჩქონიშ კაბეტი ნორთი დო ანატოლიაშ ბეილიქეფი. 1394-1401 წანეფს ოცადუდჷ კონსტანტინოპოლიშ ეჭოფუას ხოლო. ჸათე ღანკით ბაიაზიდიქ კონსტანტინოპოლი ქართას (ალყა) ქინახუნუ, მარა ვეიაჭოფუ. 1402 წანას ბაიაზიდიქ კონსტანტინოპოლი ხოლო ართიშა ქინახუნუ ქართას დო ხოლოსჷ რდჷ ნოღაშ ეჭოფუაწკჷმა. მარა ჸათე ბორჯიშო ანატოლიაშა გემშეჭკირჷ თემურლენგიქ. ბაიაზიდიქ კონსტანტინოპოლს ალყა მონწუ. 1402 წანაშ 20 კვირკვეს, ანკარაშ ლჷმას თემურლენგიქ ბაიაზიდის გიორჯგინჷ დო თინა ტყვეთ ხეშა ქაშეჸოთუ. ბაიაზიდიშ ღურაშ უკულ ოსმალეთის ქიდიჭყჷ უმაფობაშ ხანაქ.

ქოძირით თაშნეშე

• ოსმალეთიშ სულთანეფიშ ერკებული
• ოსმანეფი

ლიტერატურა

• ენციკლოპედია ბრიტანიკა

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.