ბანგვეულუ

ბანგვეულუ — მოსოფელიშ ართ-ართი უდიდაში წყარიშ სისტემა რე, ნამუთ იკათუანს ბანგვეულუშ ტობას, ბანგვეულუშ ჭყენჭყეფს დო ბანგვეულუშ პლატოს. იდვალუაფჷ ზამბიას, წყარმალუ კონგოშ ჟიდონი აუზის, ზამბიაშ ლუაპულაშ დო ოორუეშ პროვინციეფს. ბანგვეულუშ ტობაშ ფართობი 3,000 კვ.კმ. რე, სიგირძა 75 კმ. დო სიგანა 40 კმ. უღჷ. ჭვემეფიშ სეზონიშ ბორჯის ბანგვეულუშ სიდიდა იძინანს დო იკათუანს ჭყენჭყეფს დო ხოლოშიან პლატოეფს ხოლო. ჸათე პერიოდის ტობაშ დო ჭყენჭყეფიშ გოართოიანაფილი ფართობი დოხოლაფირო 15,000 კვ.კმ. რე. ტობაშ ოშქაშე სიტომბა 4 მ. რე დო მაქსიმალური 10 მ. ბანგვეულუს ინაკათუ 17 წყარმალუ, თენეფშე უდიდაში რე ჩამბეში, ბანგვეულუშე გიშმურს წყარმალუ ლუაპულა. ბანგვეულუს ზამბიაშო დიდი ეკონომიკური შანულობა უღჷ.

ქოძირით თაშნეშე

მოსოფელიშ უდიდაში ტობეფიშ ერკებული

ლიტერატურა

Hughes, J.E. (1933). Eighteen Years on Lake Bangweulu. London: The Field.

რესურსეფი ინტერნეტის

ბანგვეულუ ენციკლოპედია ბრიტანიკას