ბარტ ბოკი
ბარტ იან ბოკი (ნიდ. Bartholomeus Jan "Bart" Bok; დ. 28 პირელი, 1906, ჰორნი, ნიდერლანდეფი — ღ. 5 მარაშინათუთა, 1983, ტუსონი, არიზონა, ააშ) — ნიდერლანდარი დო ამერიკალი ასტრონომი. გურაფულენდჷ ლეიდენიშ დო გრონინგენიშ უნივერსიტეტეფს. გურაფაშ თებაშ უკულ მუშენდჷ შხვადოშხვა ომენცარე ინსტიტუტეფს ამერიკას დო ავსტრალიას. 1933-1957 წანეფს იმუშუ ჰარვარდიშ უნივერსიტეტის (1947 წანაშე რდჷ პროფესორი), 1957-1966 წანეფს ბოკი რდჷ ავსტრალიაშ მაუნტ-სტრომლოშ ობსერვატორიაშ დირექტორი დო ავსტრალიაშ ერუანული უნივერსიტეტიშ ასტრონომიაშ პროფესორი. 1966 წანაშე ბოკი მუშენდჷ არიზონაშ უნივერსიტეტის დო 1966-1970 წანეფს რდჷ უნივერსიტეტიშ სტიუარდიშ ობსერვატორიაშ დირექტორი.
| ბარტ ბოკი | |
| ინგლ. Bart Bok | |
 ბარტ ბოკი 1983 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მარაშინათუთა 5, 1983 (77 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
ჰარვარდიშ უნივერსიტეტი |
| ალმა-მატერი: | |
| ჯილდოეფი დო პრემიეფი: |
იანსკიშ პრემია (1972) |
ბარტ ბოკიქ გიმირკვიუ მეშხურეშ შარაშ გალაქტიკაშ ევოლუცია დო სტრუქტურა. ბოკიქ ძირუ დო გიმირკვიუ გლობულეფი, ჭიჭე რუმე ნირსეულეფი, ნამუეფსჷთ ბოკიშ გლობულეფს ხოლო უძახჷნა. ბარტ ბოკიშ ოსური რდჷ ამერიკალი ასტრონომი პრისცილა ფერფილდი. ბოკი დო ფერფილდი ართო მუშენდეს შხვადოშხვა მენცარული რკვიებეფიშ გეშა. რდეს შინელი წინგიშ მეშხურეშ შარა-შ (The Milky Way) ავტორი. წინგის უღუდჷ დიდი პოპულარობა დო მერჩქინელი რე ასტრონომიაშ დარგის ართ-ართ უდიდაშ დო მონუმენტურ ნახანდო. ბარტ ბოკი რდჷ შხვადოშხვა პრემიეფიშ დო ჯილდოეფიშ ლაურეატი. 1972 წანას ბოკიქ მიპალუ იანსკიშ პრემია, 1977 წანას ბრიუსიშ მენდალი, 1982 წანას ჰენრი ნორის რასელიშ ლექციაშ პრემია დო კლიუმპკე-რობერტსიშ პრემია. ბოკი 1970-1974 წანეფს რდჷ საირქიანო ასტრონომიული რსხუშ ვიცე-პრეზიდენტი დო 1972-1974 წანეფს ამერიკაშ ასტრონომიული ჯარალუაშ პრეზიდენტი. ბარტ ბოკიშ დო პრისცილა ბოკიშ ჯოხონობაშ რე ართი ასტეროიდი. 1989 წანას ავსტრალიაშ ასტრონომიულ ჯარალუაქ დარსხუ ბოკიშ ჯოხონობაშ პრემია.