|
ბაღჷრეშნერეფი
|
| |
| მენცარული კლასიფიკაცია |
|
|
| ლათინური ჯოხო |
| Passeriformes |
| მიარეგვარობა |
100 ფანია იკათუანს 5400 გვარობას
|
| თხილუაშ სტატუსი |
|
|
|
ბაღჷრეშნერეფი (ლათ. Passeriformes) — მაფურინჯეეფი რანწკი. აკმაშქვანს 5000-შე უმოს გვარობას, ნამუთ გოფაჩილი რე ედომუშამ მოსოფელს. საქორთუოს ხე 140 გვარობა. ბაღჷრეშნერეფი მორჩილი დო ოშქაშე ზჷმაშ ფურინჯეფი რე. რსხულიშ სიგჷრძა 9,5 სმ-შე (ნარჩიტა) 65 სმ-შახ რე (ყორანი). კანკალე მორჩილი მენექტრეშ წონა 3-4 გრამს ანჭუ, არძაშე დიდი ზჷმაშ ბაღჷრეშნერეფიშ (ყორანიშ) წონა 1100-1600 გრამშახ. ბაღჷრეშნერეფიშ რანწკი ირთუ 4 გიმენრანწკო: განიერნინძგამეფი (Eurylaimi) გოფაჩილი რენა აფრიკას დო ობჟათე აზიას. უღჷნა კუნტა დო განიერი ნინძგი, თარო ჭანდეფს ჭკომჷნა. ჩინებული რე 14 გვარობა, ნამუთ აკმიშაყარუ რკანინძგამიშობურეფიშ ფანია; მაღვარანჯე ანუ ართხონარამი ბაღჷრეეფი (Clamatores) უთარაშო ობჟათე ამერიკაშს ხე, რე ოორუეა ამერიკას ხოლო. ჩინებული რე 100-უმოსი გვარობა, ნამუთ აკმიშაყარუ 12 ფანიას; გვერდომაჭურჭულე ბაღჷრეეფი (Menurae) ავსტრალიას ხე, აკმოშაყარანს 1 ფანიაშ 4 გვარობას, მთინეფშე არძაშე უმოსო ჩინებული რე კუდელმარქე; მაღურჭულე ბაღჷრეეფი (Oscines) გოფაჩილი რე ედომუშამ მოსოფელს. თინეფს რთული აკოდგინუაშ გიმენი ხორხიშ ობგერე აპარატი უღჷნა. ჩინებული რე 4000-შე უმოსი გვარობა, ნამუეფით აკმიშაყარჷნა 49 ფანიას.
- ქსე, ტ. 2, გვ. 347, თბ., 1977
