ბერნარდო ალბერტო უსაი
ბერნარდო ალბერტო უსაი (ესპ. Bernardo Alberto Houssay; დ. 10 პირელი, 1887 — ღ. 21 ეკენია, 1971) — არგენტინალი ფიზიოლოგი. გიმირკვიუ ჰიპოფიზიშ ჰორმონეფიშ როლი გლუკოზაშ რეგულაციაშო. ჸათე რკვიებეფიშ გეშათ გინოჩეს ნობელიშ პრემია ფიზიოლოგიაშ დო მედიცინაშ დარგის 1947 წანას. უსაიქ პრემია მიპალუ კარლ ფერდინანდ კორი დო გერტი კორიწკჷმა ართო. უსაი რდჷ მაართა ლათინური ამერიკალი, ნამუქჷთ მიპალუ ნობელიშ პრემია მენცარობეფიშ დარგეფს.
| ბერნარდო ალბერტო უსაი | |
| ესპ. Bernardo Alberto Houssay | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ეკენია 21, 1971 (84 წანერი) |
| ღურაშ აბანი: |
ბუენოს-აირესი, არგენტინა |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ნობელიშ პრემია ფიზიოლოგიაშ დო მედიცინაშ დარგის (1947) |
დებადჷ ბუენოს-აირესის. გურაფულენდჷ მედიცინას ბუენოს-აირესიშ უნივერსიტეტის, სოდეთ თხილუ ოდოქტორე დისერტაცია. მუშენდჷ ბუენოს-აირესიშ უნივერსიტეტის, თაშნეშე ექსპერიმენტული მედიცინაშ დო ბიოლოგიაშ ინსტიტუტის (ნამუთ თიქ დარსხუ). უსაი 1956 წანაშე ნინალენდჷ ერუანული მენცარული დო ტექნიკური რკვიებეფიშ სხუნუშ დირექტორო.
ბერნარდო ალბერტო უსაი რე დოხოლაფირო 600 ომენცარე ნახანდიშ ავტორი. თიში არძაშე უმოსო შანულამი დო პოპულარული ნახანდი რე "ადამიერიშ ფიზიოლოგია" (1951).
რესურსეფი ინტერნეტის
რედაქტირაფა- ენციკლოპედია ბრიტანიკა
- ბერნარდო უსაი Nobelprize.org-ის
- ბერნარდო ალბერტო უსაი — Find a Grave-ს