ბესკიდეფი

ბესკიდეფი (უკრ. Бескиди, პოლ. Beskidy, ჩეხ. Beskydy) — ბჟადალ დო ნორთობურო ბჟაეიოლ კარპატეფიშ ოორუე ნორთის ქჷნდჷრეფიშ ღოზი პოლონეთიშ, უკრაინაშ, სლოვაკეთიშ დო ჩეხეთიშ ტერიტორიეფს. ირთჷ ბჟადალ დო ბჟაეიოლ ბესკიდეფო. ბჟაეიოლი ბესკიდეფი იდვალუაფუ პოლონეთის, უკრაინას დო სლოვაკეთის. აკმოდირთჷ ჟირი თარი ნორთიშე: ბჟაეიოლშე ბეშჩადი (გვალა ტარნიცა, 1348 მ) დო ბჟადალშე დაბალი ბესკიდეფი (გვალა ლაცკოვა, 997 მ). მიორხველანა თაშნეშე ონდავაშ სუბეს დო უკრაინაშ კარპატეფიშ ოორუე-ბჟადალ ნორთის, თაშ ჯოხოდვალირი დნესტრიშ ბესკიდეფს (გვალა მაგურა, 1363 მ). ბჟადალი ბესკიდეფი იდვალუაფუ პოლონეთის, სლოვაკეთის დო ჩეხეთის. ირთჷ ჟირ ნორთო: ბჟადალშე მორავია-სილეზიაშ ბესკიდეფი (გვალა ლისა-გურა, 1323 მ) დო ბჟაეიოლშე მაგურაშ ბესკიდეფი (გვალა ბაბია-გურა, 1725 მ). ბესკიდეფი აკნაგებჷ რე ცარცული დო ნასუმელა ქვიშაქუეფით დო ფიქალეფით. კართეეფს 1400 მ-შახ ესვარილი დო წვიწვამი ტყალეფი რე, ჟილეშე — ჯაღირა დო სუბალპური დოლოეფი.

ბესკიდეფი
ბჟაეიოლი ბესკიდეფი, მელენკარპატეფიშ ოლქი, უკრაინა
კოორდინატეფი: 48.16,24.50027848°09′36″ ოორ. გ. 24°30′01″ ელ. გ.
ორენი		პოლონეთი  უკრაინა  სლოვაკეთი  ჩეხეთი
სიმაღალა		2061 მ.
სიგჷრძა		600 კმ.
სიგანა		70 კმ.
ქჷნდჷრი		ჰოვერლა

ქოძირით თაშნეშე

• ბჟადალი ბესკიდეფი
• ბჟაეიოლი ბესკიდეფი

რესურსეფი ინტერნეტის

• შეგილებუნა ქოძირათ მედიაფაილეფი თემაშე „ბესკიდეფი“ ვიკიოწკარუეს.
• ბესკიდეფი (ინგლისური) — სტატია ენციკლოპედია ბრიტანიკაშე

ლიტერატურა

• ქორთული სხუნუეფიშ ენციკლოპედია, ტ. 2, ხს. 341, ქართი, 1977 წანა.