ბიატლონი
ბიატლონი, ბიათლონი (ბი... დო ბერძენ. athlon- რკინალა) ზოთონჯიშ გვარობეფს ართ-ართი არძაშე პოპულარული სპორტიშ გვარობა რე. ბიატლონი ჟირ სპორტიშ ეკნასვარა რე. თინა აკმოდირთუ თხიამურეფით რაყუაშე დო ბერდენაშ ჸოთამაშე. ღანკი იდვალუაფუ 50მ-ს. გენჯირაფონი რეჟიმიშ ბორჯის ღანკიშ დიამეტრი 45 მმ რე, გერინაფონ ბორჯის 115 მმ.
დისციპლინეფი რედაქტირაფა
ინდივიდუალური რაჸუა რედაქტირაფა
ბიატლონი აკმოდირთუ მუსხირენ დისციპლინაშე, ნამუშეთ არძაშე ჯვეში ინდივიდუალური რაჸუა რე. კოჩეფი მეულა 20 კმ-ს, 5 წირე 4 კმ, ოსურეფი - 15 კმ-ს, 5 წირე 3 კმ. მაართა დო მასუმა წირეს სპორტსმენეფი ოჸოთანა გენჯირაფონ რეჟიმს, მაჟირა დო მაანთხა წირეს - გერინაფონ რეჟიმს. სპორტსმენეფი 4-შა მეულა ღანკშა დო 5-5-შა ოჸოთანა. ირ ეჩილათა იჯარიმებუ 1წთ-იშ გეძინათ სპორტსმენიშ ნაძირაფ ბორჯშა. სპრინტის კოჩეფი მეულა 10 კმ-ს, ოსურეფი - 7,5 კმ-ს. დისტანციაშ გოძვენას სპორტსმენეფი ოჸოთანა 2-შა, გენჯირაფონ დო გერინაფონ რეჟიმეფს. სპორტსმენეფი ოღანკეშა მეულა 2-შა დო 5-5-შა ოჸოთანა. ირ ეჩილათაშო სპორტსმენი მეურს გეძინაფონ 150 მ-ს. გეწორაფაშ რაჸუას კოჩეფ მეულა 12,5 კმ-ს, ოსურეფი - 10 კმ-ს. რაჸუას ოკათჷ თი 60 სპორტსმენი, ნამუქჷთ სპრინტის 60 უუჯგუშაშ აბან ეჭოფესჷნ. ვაზუსტი ჸოთამაშ გეშა ჯარიმა გეძინაფონ 150მ-იშ ულა რე.
სპრინტი რედაქტირაფა
სპრინტის კოჩეფი მეულა 10 კმ-ს, ოსურეფი - 7,5 კმ-ს. დისტანციაშ გოძვენას სპორტსმენეფი 2-შა ოჸოთანა, გენჯირაფონ დო გერინაფონ რეჟიმეფს. სპორტსმენეფი ოღანკეშა მეულა 2-შა დო 5-5-შა ოჸოთანა. ირ ეჩილათაშ გეშა სპორტსმენი მეურს გეძინაფონ 150 მ-ს.
გეწორაფაშ რაჸუა რედაქტირაფა
გეწორაფაშ რაჸუას კოჩეფი მეულა 12,5 კმ-ს, ოსურეფი - 10 კმ-ს. რაჸუას ოკათჷ თი 60 სპორტსმენი, ნამუქჷთ სპრინტის 60 უუჯგუშაში აბანი ეჭოფესჷნ. ვაზუსტი ჸოთამაშ გეშა ჯარიმა გეძინაფონ 150მ-იშ ულა რე.
მას-სტარტი რედაქტირაფა
მას-სტარტი ბიატლონიშ ახალი გვარობა რე. თის ოკათჷ ჩემპიონატიშ 30 უუჯგუშაში სპორტსმენი.
ბუნური ესტაფეტა რედაქტირაფა
ირ ბუნაშე ესტაფეტას ოკათჷ 4-4 სპორტსმენი. თინა სპრინტიშ წესეფს გერსხუ. ირ კოჩი სპორტსმენი მეურს 10 კმ-ს დო 2-შა ოჸოთანს, გენჯირაფონ დო გერინაფონ რეჟიმეფს, ოსურეფი მეულა - 7,5-7,5 კმ-ს, თაშნეშე ომანგეთ 2-2-შა ოჸოთანა,გენჯირაფონ დო გერინაფონ რეჟიმეფს. სპრინტიშე თით რე გინორთელი, ნამჷდა სპორტსმენესს 3 გეძინაფონი ტყვია უღუნა. თუ სპორტსმენს 8 ჸოთამათ ხოლო ვაკილუდა 5 ეშანილს-და, ინწკჷმა თინა მეურს 150 მეტრაშ საჯარიმო წირეს, ირ ეჩილათაშო
მიქსი (ესვარილი ესტაფეტა) რედაქტირაფა
ირ ბუნაშე ოკათჷ ჟირი ოსური დო ჟირი კოჩი სპორტსმენი. სტარტის იჭყანა ოსურეფი დო ათენა კოჩეფი. შხვაჸურე არძა წესი, თიჯგურა რე მუჭოთ ბუნურ ესტაფეტას.
| ინდივიდუალური | სპრინტი | გეჭორაფა | ბუნური სტარტი | ბუნური ესტაფეტა | ესვარილი ესტაფეტა | |
|---|---|---|---|---|---|---|
| დისტანცია კოჩეფი | 20 კმ | 10 კმ | 12,5 კმ | 15 კმ | 4 x 7,5 კმ | 2 x 7,5 კმ + 2 x 6 კმ |
| დისტანცია ოსურეფი | 15 კმ | 7,5 კმ | 10 კმ | 12,5 კმ | 4 x 6 კმ | |
| დისტანცია ახალნორდეფი | 15 კმ | 10 კმ | 12,5 კმ | 12,5 კმ | 4 x 7,5 კმ | - |
| დისტანცია ძღაბეფი | 12,5 კმ | 7,5 კმ | 10 კმ | 10 კმ | 3 x 6 კმ | - |
| დისტანცია მარდუეფი | 12,5 კმ | 7,5 კმ | 10 კმ | 10 კმ | 3 x 7,5 კმ | - |
| დისტანცია მარდუ ძღაბეფი | 10 კმ | 6 კმ | 7,5 კმ | 7,5 კმ | 3 x 6 კმ | - |
| სტარტიშ ინტერვალი | 30 წამი | 30 წამი | მარულეშ შედეგიშ მეჯინათ | ართბორჯული სტარტი | ართბორჯული სტარტი | ართობური სტარტი სტარტი |
| ჸოთამაშ გეჸვენჯობა | გენჯირაფონი, გემარენჯი, გენჯირაგოფი, გემარენჯი | გენჯირაფონი, გემარენჯი | გენჯირაფონი, გენჯირაფონი, გემარენჯი გემარენჯი | გენჯირაფონი, გენჯირაფონი, გემარენჯი გემარენჯი | ირ ათლეტის გენჯირაფონი-გემარენჯი | ირ ათლეტის გენჯირაფონ-გემარენჯი |
| ჯარიმა ჩილათაშ გეშა | საჯარიმო წუთი | საჯარიმო წირე (150 მ) | საჯარიმო წირე (150 მ) | საჯარიმო წირე (150 მ) | გინორხინუა ვარდა საჯარიმო წირე | გინორხინუა ვარდა საჯარიმო წირე |
| მოსოფელიშ თასიშ პრემიერა | 1978/79 | 1978/79 | 1996/97 | 1998/99 | 1978/79 | 2004/05 |
| მოსოფელიშ ჩემპიონატიშ პრემიერა | მჩ 1958 | მჩ 1974 | მჩ 1997 | მჩ 1999 | მჩ 1966 | მჩ 2005 ან მჩ 2007 |
| ოლიმპიური პრემიერა | 1960 | 1980 | 2002 | 2006 | 1968 | - |