ბონი ჭჷ

ბონი ჭჷ (Intestinum rectum) — შხუ ჭჷშ ბოლო ნორთი, ნამუთ უკახალენი გჷმალით (ანუსით) ითებუ. ძინათებული ადამიერიშ ბონი ჭჷშ სიგჷრძა რე 14-18 სმ, სასინთოშ დიამეტრი ჟიმოლენი ნორთის - 4 სმ, გიმენს - 7,5 სმ-შახ იფართებუ დო წჷმოქიმინჷნს ამპულას.

ბონ ჭჷს გიშმართჷნა ჟიმოლენი (ხარიშ, 12-15 სმ) დო გიმენი (ანალურ, 2,5-3,7 სმ) ნორთეფს. ოსურიშ ბონი ჭჷ სასქუოშ უკახალე რე, ქომოლკოჩიშ — ბჟღერიშ ბუშტიშ უკახალე. ბონი ჭჷშ ხარიშ ნორთი ოშა-გოშათ ფორილი რე პერიტონეუმით, ანალური ნორთი — მერკებული რე თე ოფორუს. კუთამი დაცხიშ გალენი ინჭკეფი ვეჯგუბუნა სუმ მანგი ზონარო, მუჭოთ თენა ეიშანუაფუ კოლინჯის, თინა ედომუშამო ფაშ სახეთ გოდგჷ ბონი ჭჷს. გვამიში დუდიშ გოხოლუას, დინოხოლენი ცირკულარული ფაშ კუთამი ინჭკეფი იშხუარებუ დო წჷმოქიმინჷმს გვამიშ დუდიშ დინოხოლენი ანუ ულამური სფინქტერს, კანიშ გიმე მადვალუ შქაფონიშ კუთი - გვამიშ დუდიშ გალენი ანუ კორინებული სფინქტერს. ცქირცქამი დაცხი, ჯგირო გოვითარაფილი ცქიცქგიმენი ფაშ მეშქაშობათ, აკმოქიმინჷნს მიარე ხუნჭის. ბონი ჭჷს მიარეთ რე გოვითარაფილი ვენური ბეჭილეფი.

ლიტერატურა

• ქსე, მა-9 ტ, ხს.627. 1985