ბრილიანტი
ბრილიანტი (ფრანგ. brillant - „ორწკინაია“), ალმასი, ნამუსუთ დომუშებაშ, თ.წ. ბრილიანტური დოძგოპაფაშ მეშქაშალათ არზენა სპეციალურ ფორმას. ბრილიანტური დოწგოპუაფა მაქსიმალურო გჷმალინუანს ქუაშ ორთაშობურ რწკინას. დოძგოპაფილი ბრილიანტი ჟირი მერინაფილი პირამიდაშ ფორმაშიე, თინეფშე ართი (ჟინი) წჷმოკვათილიე. გვირგვინიშ დო პავილიონიშ ძგოპეფი გორანწკილიე მუხირენი რანწკო. გოაფაჩილიე ძგოპეფიშ სუმრანწკამი გორანწკაფა (თ. გ. სუმფა ბრილიანტური დოძგოპაფა). კლასიკური დოძგოპაფაშ ბორჯის ბრილიანტის 56 ხასლაშური ძგოპი უღუ. ძგოპეფი თიშნერო რე გორანწკილი, ნამდა ჩხორიეფიშ კჷლი, ნამუთ ქუაშ ჟიპიჯის გჷთმიანთხუ, რსული დინოხოლენი ეკიალუას წისაფულენს დო ალმასის მაღალი დისპერსიაშ გეშა სპექტრიშ ფერუანი ჩხორიეფო იფაჩუ. ათეშენ ეკიალერი სინთეს ბრილიანტი მიარეფერო რწკინუნს. ბრილიანტიშ მასას ზჷმუნა კარატეფით. დომუშებული ქუალეფს ირინუანა სამკაულო.
