ბურბუ

? ბურბუ
მენცარული კლასიფიკაცია
ჟინომაფე: ევკარიოტეფი ომაფე: ჩხოლარეფი ტიპი: ქორდამეფი კლასი: ბჟაშუმუეფი რანწკი: ხესუამეფი გიმენრანწკი: ჭანდიჭკომუ ხესუამეფი ფანია: ბურბუშობურეფი გვარი: ბურბუ
ლათინური ჯოხო
Vespertilio
გვარობეფი
გვარი იკათუანს 116 გვერობას
თხილუაშ სტატუსი
სისტემატიკა ვიკინერობეფს სურათეფი ვიკიოწკარუეს NCBI 9397

ბურბუ თაშნეშე მესერე, ოხვამეში ჭუკი (ლათ. Vespertilio) — ბჟაშუმუ ჩხოლარიშ გვარი ბურბუშობურეფიშ ფანიაშე, ჭანდიჭკომუ ხესუამეფიშ გიმენრანწკიშე. თინეფიშ რსხულიშ სიგჷნძა 35-103 სანტიმეტრის ონჭჷ. უღჷნა ჯგირო გოვითარაფილი ჸუჯოფორუ, ალაზჷმაფათ ფართო სუეფი. კუდელი მინოხუნელი რე ოფურინალ დაცხის ვარ-და გალე სქიდუ ბოლო ჟირი არყილი. ოჭიში ფერო ღილე რუმე-უჩა რე, ქვარა — ღილე რუმე-ჩე. ბურბუშ ხვენა დახე რსულას უხვადუ ბურბუშობურეფიშ არანს. ხე მუჭოთ ტყას, თეშ ბარეფს. დღაშით დუდს მიკმაფორანს ბეჩეფს, კირდეშ ზიეფს, ქოქაჯალეფს, ნოდგჷმეფს დო შხვ. სამაჯინოთ კილჷმურს აკოსერუაშახ. ჭკომუნს ჭანდეფს. ხანს 1-2, მინშა 3 მართვეს. გვარი იკათუანს 116 გვარობას, ნამუეფშე საქორთუოს ხე შკვითი.

ბურბუ ხესუამეფიშ რანწკიშ აკა ჩხოლარი რე, ნამუსთ აიწორო ფურინუა შეულებჷნ. თინა მოსოფელიშ არძა რეგიონს ხე პოლარული დო მაღალი გოლამი რეგიონეფიშ მოხ. ჩინებული რე, ნამჷ-და ბურბუეფი დიხაუჩას უკვე 50 მილიონი წანა რე რენან — იკარონიქტერიშ ჯოხოთ ჩინებული ნათხორა ბურბუშ დახე აიოწირი გასა ეოცენიშ პერიოდით ითარიღებუ. დუდით დო რსხულით 8 სმ-იანი სიგჷნძათ ტე ჯხოლარი თიშნერო მოგენს თეხანურ ბურბუეფს, ნამჷ-და მენცარეფს ძალამ მერკე მუთუნს გინმოჩანს ბურბუეფიშ გოჭყაფაშ ვარ-და თიშ გეშა, დო მუჭო მიაჩეს ფურინუაშ ანჯაქ. თინეფიშ მოარზაფათ, ბურბუეფიშ წიმოხონი ჯას მახოხუ ნამდგაინი ჭანდიჭკომუ რდჷ.

კლასიფიკაცია

ბურბუეფი ორხველჷნა ხესუამეფიშ (Chiroptera) რანწკის, ნამუთ აკმოდირთჷ ჟირი გიმენრანწკიშწ, 19 ფანიაშე, 187 გვარშე დო 951 გავრობაშე.

• გიმენრანწკი ხილჭკომუ ხესუამეფი (Megachiroptera)
  • მაფურინე მელა (სუალაშობურეფი): ფანია Pteropopidae 44 გვარიშ 175-შახ გვარობა
• გიმენრანწკი ჭანდიჭკომუ ხესუამეფი (Microchiroptera)
  • ჭუკიშკუდელამი ბურბუეფი (ნოჩხვინდაშობურეფი): ფანია Rinopomatidea ართი გვარიშ 3 გვარობა
  • ღეჯიშნიჩვამი ბურბუეფი: ფანია Craseonycteridae ართი გვარობა
  • კუდელტომარეშობური ბურბუეფი: ფანია Mballonuridae 13 გვარიშ 50-შახ გვარობა
  • ჩხომჭკომუ ბურბუეფი: ფანია Noctilionidae ართი გვარიშ 2 გვარობა
  • ინწროსახეამი ბურბუეფი: ფანია Ycteridae ართი გვარიშ 12-შახ გვარობა
  • რცუ ვამპირეფი: ფანია Egadermatidae სუმი გვარიშ ხუთი გვარობა
  • ნალჩხვინდა ბურბუეფი: ფანია Rhinolophidae ართი გვარიშ 70-შახ გვარობა
  • ფურცელჩხვინდა ბურბუეფი: ფანია Hipposideridae ჩხორო გვარიშ 61 გვარობა
  • ამერიკული ფურცელჩხვინდამეფი: ფანია Phyllostomatidae 47 გვარიშ 140-შახ გვარობა
  • ფურცელჩიღვა ბურბუეფი: ფანია Mormoopidae ჟირი გვარიშ ბრუო გვარობა
  • ვამპირეფი: ფაია Desmodontidae სუმი გვარიშ სუმი გვარობა
  • ჸუჯძაბრა ბურბუეფი: ფანია Natalidae ართი გვარიშ ბრუო გვარობა
  • უბიწკე ბურბუეფი: ფანია Uripteridae ჟირი გვარიშ ჟირი გვარობა
  • ამერიკული კუჩხმაწინე ბურბუეფი: ფანია Thyropteridae ართი გვარიშ ჟირი გვარობა
  • მადაგასკარიშ კუჩხმაწინე ბურბუეფი: ფანია Myzopodidae ართი გვარობა
  • რჩქვანელობური ბურბუეფი: ფანია Vespertilionidae 42 გვარიშ 320-შახ გვარობა
  • ახალზელანდიური ბურბუეფი: ფანია Ystacinidae ართი გვარიშ ჟირი გვარობა
  • ბულდოგიშობური ბურბუეფი: ფანია Mollosidae 12 გვარიშ 91 გვარობა

ფოტო გალერეა

• 
  ბულდოგიშობური ბურბუეფი (Molossidae)
• 
  რჩქვანელობური ბურბუ (Vespertilionidae)
• 
  ნალჩხვინდა ბურბუ (Rhinolophidae)
• 
  Pteropus livingstonii
• 
  Pteropus vampyrus
• 
• 
• 

ლიტერატურა

• სამეცნიერო-შემეცნებითი კოლექცია „შემეცნების სამყარო“ №25, გვ. 312.
• რ. ავალიანი, ქსე, ტ. 10, გვ. 583, სტ. ღამურა - თბ., 1986

რესურსეფი ინტერნეტის

ვიკიოწკარუეს^? რე ხასჷლა თემაშენ:

ბურბუ

• ვიქსიკონს ენწყუმილი რე ზიტყვა: ბურბუ
• Летучие Мыши, საიტი ბურბუეფიშ გეშა. (რუს.)
• ბურბუეფი დო ქიროპტეროლოგეფი (რუს.)
• Texas Parks and Wildlife Bat Page (ინგლ.)
• University of Michigan Museum of Zoology Archived 2003-12-12 ვებ-ხასჷლას Wayback Machine. (ინგლ.)
• Bats and Tarsier Archived 2012-04-15 ვებ-ხასჷლას Wayback Machine. (ინგლ.)
• თელარაშ ჯა Archived 2020-07-26 ვებ-ხასჷლას Wayback Machine. (ინგლ.)
• Bat evolution linked to warming (ინგლ.)
• Microbat Vision Archived 2020-01-29 ვებ-ხასჷლას Wayback Machine. (ინგლ.)
• ბურბუეფი ავსტრალიას (ინგლ.)