ბუხარიჸუდეშ კიდალას დოჸუნაფილი ანგურაშ ვარდა ქუაშ (უკარე), საკუმოლეამი (ორდოამი) ოტიბაშე. თიში ნერჩი, დაჩხირიშ დარძამალი აბანი რე — ყებური. კანკალეშა საკუმოლეშ შქა რსხულშე გილაშქვაფირი რე ოჩუანე, ანუ მიკაბუნაფალი. ბუხარიშ „ჸვა“ თაღუამი რე, წჷმი წუმოკინელი დო შხირას რელიეფური შაბაქით („თელარაშ ჯაშ“ დო შხვა მოტივათ) გოდგჷმილი. ბუხარიშ დუდი — „ფიზონი“ ბოგაშობური რე დო სანთელიშ, ჯოჭობიშ დო შხვეფიშ გჷმადვალარო გჷმირინუანა. ქორთულ ოხორუეს ბუხარი არსებუეთ კინ თი ფუნქციას არსულენს, ნამუსჷთ შქა ჸუდეს დვალირი ჸვირბი (შქადაჩხირი). ბუხარიშ დიდი ღირება თინა რე, ნამჷ-და თინა ხეს უნწყჷნს დგჷმილიშ ჯგირ ვენტილაციას. ბუხარიშ კილი რე — უზინდუ ოჭუალიშ ხარჯება დო გოტიბაფაშ მერკენარიანობა. ბუხარი გოფაჩილი რე მოსოფელიშ უმანტაშ ნორთის, გიშაკერძაფილო კავკაციაშ დო ოორუეშ ქიანეფს. თეხანურ ოხორუეფს ბუხარი კანკალეშა დეკორაციულ შანულობას არსულენს.

თეხანური დინოხოლენი ბუხარი

ლიტერატურარედაქტირაფა

 
ბუხარი ღილე ცაშ გიმე