ბჰუბანეშვარი (Bhubaneshwar) — ნოღა ინდოეთის, წყარმალუ მაჰანადიშ დელტაშ აკანს, ნოღა კატაკიშ ობჟათეშე. შტატი ორისაშ ნანანოღა. ნოღაშ ჯოხოდვალა ზიტყვა ტრიბჰუბანეშვარი-შე მოურს, ნამუთ გჷნითანგუაფუ მუჭოთ სუმი მოსოფელიშ (ტრიბჰუბანი) ღორონთი (იშვარი), ღორონთი შივაშ ეპიტეთი რე[1]. თაშნეშე ბჰუბანეშვარი რჩქინელი რე გეჸვენჯი ჯოხოდვალეფით: ტოშალი, კალინგა ნაგარი, ნაგარ კალინგა, ეკამრა ქანანი, ეკამრა ქშეტრა დო მანდირა მალინი ნაგარი (ინგლ. "ოხიდეეფიშ ნოღა"). შტატი ორისაშ უშხუაში ნოღა 837 737 მახორუთ (2011)[2], თაშნეშე ბჟაეიოლი ინდოეთიშ შანულამი ეკონომიკური დო რელიგიური ცენტრი რე.
ოხიდა ლინგარაჯა
