განდინაგარი
განდინაგარი (გუჯ. ગાંધીનગર, ინგლ. Gandhinagar) — ნოღა ინდოეთიშ ბჟადალშე, შტატი გუჯარათიშ ადმინისტრაციული ცენტრი.
ნოღა
|
ისტორიარედაქტირაფა
1960 წანას, ინდური შტატი ბომბეიქ გირთჷ ჟირ შტატო — მაჰარაშტრათ დო გუჯარათო. დუდმაართათ გუჯარათიშ ნანანოღა იდვალუაფუდჷ აჰმადაბადის, 1970 წანას, ნანანოღაქ გინოღალირქ იჸუ ახალ ნოღა განდინაგარშა (დირსხუ 196 წანას), ნოღა წყარმალუ საბარმატიშ ჟირხოლო წყარპიჯის იდვალუაფუ. განდინაგარი, უმენტაშო ადმინისტრაციულ ფუნქციეფს ასრულენს. ნოღას ჯოხოქ გიადჷ მაჰათმა განდიშ ოპატიჩამალო.
გეოგრაფია დო კლიმატირედაქტირაფა
ნოღა იდვალუაფუ აჰმადაბადიშ ოორუეშე 23 კმ.-თ დო დოხოლაფირო 464 კმ.-თ ბომბეიშ ოორუე-ბჟადალშე. ნოღა ზუღაშ დონეშე 80 მეტრას იდვალუაფუ[1]. განდინაგარი — ძალამი გოწვანაფილი ნოღა რე, ნოღაშ ედომუშამი ტერიტორიაშ დოხოლაფირო 54% ჯალეფით რე ფორილი [2].
მახორობარედაქტირაფა
2001 წანაშ ეჭარუაშ მეჯინათ, ნოღაშ მახორობა აკმადგინან 195 891 ადამიერს. ქომოლკოჩეფიშ წილი — 53%, ოსურკათაშ — 47%. ჭარუა-კითხირიშ რჩქინაშ ოშქაშე მუდანობა აკმადგინანს 77,11%-ის (82% ქომოლკოჩეფშო დო 73% ოსურკათაშო). განდინაგარიშ მახორობაშ დოხოლაფირო 95% ინდუიზმიშ მორწუმე რე.
ტრანსპორტირედაქტირაფა
უახოლაში აეროპორტი — სერდრარ ვალაბჰაი პატელიშ ჯოხონობაშ ოერეფოშქაშე აეროპორტი, იდვალუაფუ აჰმადაბადის. ნოღას რკინაშ შარაშ რსხუეფი უღუ.
ოქინაფუეფირედაქტირაფა
ნოღას იდვალუაფუ, გუჯარათიშ შტატიშ ართ-ართი უშხუაში ოხიდა — აკშარდჰამი, ნამუშ აკოგაფაქ 1992 წანას ითუნჷ. ოხიდა რჩქინელი ხოლო თით ნამჷ-და, 2002 წანას, ოხიდას ორგანიზაფილ აკოანჯარაფილ ტერორისტეფქ გიანთხესჷნ[3].
სქოლიორედაქტირაფა
- ↑ cite web|url=http://www.fallingrain.com/world/IN/09/Gandhinagar.html%7Ctitle=Gandhinagar, India Page|publisher=Fallingrain Global Gazetteer|lang=en|accessdate=2013-09-15|archiveurl=|archivedate=
- ↑ With 54% green cover, Gandhinagar India’s tree capital
- ↑ News — Temple Carnage: Terrorist Attack on Akshardham
რესურსეფი ინტერნეტისრედაქტირაფა
|
თე სტატია ინდოეთიშე დო ინდოარეფშენი დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |