გერგეუჩა თაშნეშე გერგოუჩა, ბეჟანე (ლათ. Scrophularia) — ჩანარეფიშ გვარი გერგეუჩაშობურეფიშ ფანიაშე. მიარეწანიანი, ოშა-გოშათ ართ- ვარ-და ჟირწანიანი ოდიარეეფი რე, კანკალე გვერდო ბართვი რე. მოწვანე, ჸვინთელი დინცხფერიში პიოლეფი აკოკორობილი აფუ ფენჯგირეშობურ ვარ-და ტიანიშობურ ბიბლეფო.

გერგეუჩაშ 150-შახ გვარობა გოფაჩილი რე ევრაზიაშ ზჷმიერ დო სუბტროპიკულ რაიონეფს, მუსხირენი ოორუე დო ცენტრალურ ამერიკას დო აფრიკას. საქორთუოს აფხვადუნა 25 გვარობა. თინეფშე 2 გვარობა საქორთუოშ ენდემი რე, 4 — კავკაციაში. გერგეუჩა გვალაშ გიმენი ორტყაფუეფშე ალპურ ორტყაფუშახ, ქუაკირამ კირდეეფს, ტყალეფს დო ტყაპიჯეფს, ლამე აბანეფს, დოლოეფს, მასქურიაშ დო წყუშ წყარპიჯეფს, ნაზვიუეფს დო მორენეფს.

გერგეუჩაშ კანკალე გვარობა საპონინეფს დო ალკალოიდეფს იკათუანს. მიარე გვარობა ოთოფურიე რე.

რჩქვანელობური გერგეუჩა (Scrophularia nodosa)
წვანე გერგეუჩა (Scrophularia umbrosa).

ლიტერატურა რედაქტირაფა