გერი

გერი, ვარ-და შქირუ გერი, თაშნეშე რჩქვანელობური გერი (ლათ. Canis lupus) — ჩხოლარი ბჟაშუმუეფიშ კლასიშ მახვამილაფარეფიშ რანწკიშ ჯოღორიშობურეფიშ (Canidae) ფანიაშე. კოიოტი (Canis latrans), რჩქვანელობურ ტურა (Canis aureus) დო შხვა გვარობეფწკჷმა ართო აკმოქიმინჷნს ჯოღორიშ გვარს (Canis). თეშ მოხ, მუჭოთ დნმ-იშ წოროგეჸვენჯალაშ დო გენეფიშ დრეიფიშ გჷთორკვიაფაშ შედეგეფი ოძირანსჷნ, ჸუდეშ ჯოღორიშ (Canis familiaris; თაშნეშე იკლასიფიცირებუ, მუჭოთ გერიშ გიმენგვარობა, Canis lupus familiaris) ბონი წჷმოხონი რე. გერი — მუში ფანიაშ ართ-ართი არძაშე უშხუაში თეხანური ჩხოლარი რე: რსხულიშ სიგჷნძა (კუდელიშ უმუშო) შილებე იჸუას 160 სმ, კუდელიშ სიგჷნძა — 52 სმ-შახ, სიმაღალა — 90 სმ-შახ; რსხულიშ წონაქ შილებე 90—110 კგ-შახ იჸუასჷნ.

ართხანობას გერეფი ფართას ხედჷ ევრაზიას დო ოორუე ამერიკას. ათეხანშო გერიშ ხვენაშ არანქ დო ართამ მუდანობაქ არგამათ დირკჷ, უმენტაშო ადამიერიშ ქიმინუეფიშ გეშა: ორთაშობური ლანდშაფტეფიშ თირუა, ურბანიზაცია დო მასობური ეშაჭყვიდუა. მოსოფელიშ ანდა რეგიონს გერი ეშალაფაშ კარს გემარენჯი რე, თეშ უმკუჯინალო ევრაზიაშ დო ამერიკაშ ოორუეშე გერიშ პოპულაცია დიოდღარო სტაბილური რე. თიშ უმკუჯინალო, ნამჷ-და გერეფიშ პოპულაცია რკებულენსჷნ, ანდა აბანს ასეშა სქიდუ ჯინუაშ ობიექტო, მუჭოთ ადამიერშო დო ორინჯეფშო პოტენციური ოშქურანჯე, თაშნეშე ართუაფაშ ბაძაძო.

გერი, მუჭოთ ართ-ართი შანულამი მახვამილაფარი ჩხოლარი, ძალამ შანულამ როლს ლაჸაფენს ეკოსისტემაშ ბალანსის, თიჯგურა ბიომეფს, მუჭოთ რე ზჷმიერი ორტყაფუშ ტყალეფი, ტაიგა, ტუნდრა, სტეპი დო გვალეფიშ სისტემა. გვალო გიშმერთუ გერიშ დოხოლაფირო 32 გიმეგვარობა, ნამუეფსჷთ ართიანშე გინორთი უღჷნა რსხულიშ ზჷმას დო ბოწოწიშ ფერს.

ფოტოგალერეა

• 
  ფერო გერი (Canis lupus)
• 
  არქტიკული გერი (Canis lupus arctos)گرگ سفید Archived 2019-07-03 ვებ-ხასჷლას Wayback Machine.
• 
  იტალიური გერი (Canis lupus italicus)
• 
  დინგო (Canis lupus dingo)
• 
  Canis lupus lycaon
• 
  Canis lupus occidentalis
• 
  Canis lupus signatus
• 
  ფოფორამი გერი (Chrysocyon brachyurus)
• 
  ჟღიჟღიბი გერი (Canis rufus)

რესურსეფი ინტერნეტის

• Smithsonian National Museum of Natural History species account-Gray Wolf
• The Nature Conservatory's Species Profile: Gray Wolf Archived 2007-07-15 ვებ-ხასჷლას Wayback Machine.

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.