გერმანიაშ სოციალ-დემოკრატიული პარტია

გერმანიაშ პოლიტიკური პარტია

გერმანიაშ სოციალურ-დემოკრატიული პარტია (გერმ. Die Sozialdemokratische Partei Deutschlands - SPD) — გერმანიაშ არძაშე ჯვეში პოლიტიკური პარტია, ნამუთ მეკვარჩხანე ცენტრისტული გემაჸვენჯობაშ რე. დირსხჷ 1863 წანაშ 23 მესის, მუჭოთ ოართეგერმანული მოხანდეეფიშ ასოციაცია. კონსერვატიულ ქრისტიან–დემოკრატიულ რსხუწკჷმა ართო რე ართ–ართი გერმანიაშ ჟირ თარ პარტიაშ შქას.

გერმანიაშ სოციალ-დემოკრატიული პარტია
გერმ. Sozialdemokratische Partei Deutschlands

გერმანიაშ სოციალ-დემოკრატიული პარტია
ქიანა გერმანიაშ შილა გერმანია
ლიდერი წორომადუდეეფი: ზასკია ესენი,
ნორბერტ ვალტერ-ბორიანსი
დირსხუ 23 მესი, 1863 (ADAV)
7 მარაშინათუთა, 1869 (SDAP)
27 მესი, 1875 (მესვარუა)
იდეოლოგია სოციალ-დემოკრატია
ევროპული აკრედიტაცია ევროპის სოციალისტური პარტია
საირქიანო აკრედიტაცია სოციალისტური ინტერნაციონალი
ფერეფი ჭითა
შტაბ-ორენი Willy-Brandt-Haus D-10911 ბერლინი
ბუნდესტაგი
146 / 622
რეგიონალური პარლამენტეფი
559 / 1,859
ევროპაშ პარლამენტი
23 / 99
www.spd.de

პარტიას 495 000 მაკათური ჸუნს, ნამუეფიშ 31% ოსური რე. სოციალ–დემოკრატეფს 146 წჷმმარინაფალი ჸუნს გერმანიაშ ბუნდესტაგის, თაშნეშე შანულამ როლს ლაჸაფენა პარლამენტიშ მაჟირა პალატასჷთ, ბუნდესრატის. სოციალ–დემოკრატეფი გერმანიაშ 16 ფედერალური დიხაშე 7–ის თარობაშ მადუდეეფი რენა (თინეფს შქას ბერლინს, რაინლანდ-პფალცის, ბრანდერბურგის), გეძინელო 3 დიხას კოალიციაშ "უკულაში მაკათურეფი" რენა. პარტიაწკჷმა დოხოლებური ოერეფოშქაშე ფონდი რე – ფრიდრიხ ებერტიშ ფონდი.

რესურსეფი ინტერნეტისრედაქტირაფა