გვერდო ქიეფი (Prosimii), ბჟაშუმუეფიშ გიმენრანწკიშ პრიმატეფიშ რანწკიშ ჩხოლარი. თინეფიშ რსხულიშ სიგჷნძა 13-70 სმ-შახ ონჭჷ, წონა — 60-100 გ-შე 2 კგ-შახ იძანძჷ. მინს გჷნძე კუდელი უღჷ, მინსჷთ — კუნტა ვარ-და შუროთ ვაუღჷ. წოხოლენი ბორკეფი უკახალენშე კუნტა რე. ჩანჯი კითი ყარუ რე დო აწურე შხვა კიღეფს (გიმნარკი რე ტუპაიაშობურეფი). გვერდო ქიეფიშ ბოწოწი გურგუზია დო მერეკელა რე. გოფაჩილი რენა ტროპიკულ აფრიკას, მადაგასკარს, აზიას დო მალაიშ არქტიკულ კოკეფს. გიმენრანწკის 6 შანიაშ (ტუპაიაშობურეფი, ლემურიშობურეფი, ინდრიშობურეფი, ხეკუჩხიშობურეფი, ლორიშობურეფი დო გჷრძეკუჩხამიშობურეფი) 50-შახ გვარობა რე. მეჯალე ჩხოლარეფი რე, ხანა 1-3 ერჩქის. თინეფშე მიარეშ მუდანობაქ (გიშაკერძაფილო მადაგასკარს) კვათირო დირკჷ.
- ქსე, ტ. 7, გვ. 351, თბ.,1984
