გოლგოთა

გოლგოთა, ვარდა კალვარია (ბერძენ. Γολγόθα, Κρανίου Τοπος; ურიულ. גולגלתא, „ჸვა“ არამ. gûlgaltâ-შე ზიტყვაზიტყვათ „დუდიშ ხოკო“; ლათ. Calvaria) — მორჩილი კირდე ვარდა ქჷნდჷრი, სოდე ლეგენდაშ მეჯინათ, იოსე ქირსე ჯვარს ეიობუნესჷნ. ღორონთიშ საფულაწკჷმა ართო ქირსიანობაშ ჟირ თარი სიწიმინდეშე ართ-ართი რე.

გოლგოთაშ მართლმადიდებლური ოხვამური ღორონთიშ საფულაშ ოხიდას, თეხანური მიოჯინი.

ტრადიციაშ მეჯინათ, I ოშწანურაშ დაჭყაფუს, გოლგოთა იერუსალიმიშ ონოღე კიდალაშ იშო იდვალუაფუდჷ, ნოღაშ ოორუე-ბჟადალშე. ასეიან ბორჯიშო გოლგოთა ღორონთიშ საფულაშ ოხიდაშ ნორთი რე იერუსალიმიშ ჯვეში ნოღაშ ქირსიანულ კვარტალს. XIX ოშწანურაშ ბოლოშე დოჭყაფილი, კანკალე მარკვიალი გოლგოთაშ ორენიშ გეშა შხვა ვერსიეფს წჷთმუკინანდჷ, სამანგათ ბაღიშ საფულა, იერუსალიმიშ ოორუეშე დამასკოშ ფარდიკარს.

„დო, მუში ჯვარიშ ღალას, გეგშართჷ აბანშა, ნამუსჷთ ჸვა-ში ჯოხოდჷ, ურიულო გოლგოთა; თექ ჯვარს მაცუნეს თინა დო თიწკჷმა ართო ჟირი შხვა, მელეშე დო მოლეშე, ოშქაშეთ იოსე. იოანე /19/:17-18“

იკოროცხუ, ნამჷ-და ჯოხოდვალა გოლგოთა დუდიშ ხოკოეფშე მოურს, ნამუეფით ჯვეშ იერუსალიმს დუმაშებელეფიშ წამებაშ აბანს ინწკარუაფუდჷ. თაშნეშე რსებენს გინოჩამა, ნამჷ-და გოლოგოთაშ აბანს ადამი რდჷ ნთხორილჷნ.

გალერეა

• 
  გოლგოთაშა ეშაულარი კიბე
• 
  ჯვარცუნაფაშ ოხვამური
• 
  მართლმადიდებელური ოხვამური
• 
  გოლგოთაშ მართლმადიდებელური ოხვამურიშ ბჟადალი ნორთი
• 
  ვარჩხილიშ რგოლი გოლგოთაშ მართლმადიდებელური ოხვამურიშ გიმე ეთმეშანუნს აბანს, სოდე გედგუდჷ ღორონთიშ ჯვარი
• 
  კონკიშ ნორთი (მართლმადიდებელური ოხვამურიშ მარძგვანშე) სარკეთ რე ფორილი

თაშნეშე ქოძირით

• ღორონთიშ საფულაშ ოხიდა

რესურსეფი ინტერნეტის

• Деревенский Б. Г. «О местоположении Голгофы и гробницы Христа» Archived 2017-04-30 ვებ-ხასჷლას Wayback Machine. .