ალერტკარი

ალერტკარი, ჸოფილი გრიგოლიში – ოფუტე საქორთუოს, სამარგალო-ჟიმოლენი შონეშ აკანიშ ზუგდიდიშ მუნიციპალიტეტის, ოდიშიშ პლატოს, ზუღაშ დონეშე 220 მეტრა, ზუგდიდიშე 10 კმ. 2014 წანაშ ეჭარუაშ მუნაჩემეფით ოფუტეს ოხორანს 509 ადამიერი. ოფუტეს გედგჷ XIX ოშწანურაშ ოხვამე.

ოფუტე
ალერტკარი ჸოფ. გრიგოლიში
ქიანა	საქორთუო
აკანი	სამარგალო-ჟიმოლენი შონე
მუნიციპალიტეტი	ზუგდიდიშ მუნიციპალიტეტი
ზუღაშ დონეშე	220 მ
მახორობა	509 კოჩი 2014

ისტორია

ოფუტეს ჯოხოთ ჯვეშო ალერტკარი გეძუდჷ. ალერტკარქ საგანოს ოფუტეშ ცენტრის სქჷლადირი ალერტიშ ოხვამეშ ჯოხოდვალაშ გეშა გიადჷ. წოხოლე თე საგანო აკოშქუმალირი რდჷ ოფუტე ყულიშკარწკჷმა, ნამუსუთ გჷმერთჷ 1934 წანას, მუჭოთ ზოხო ოფუტე. გრიგოლიშიშ ჯოხოდვალა რევოლუციონერ გრიგოლ როგავაწკჷმა რე მერსხილი.

ულირი ოშწანურაშ 30–ამი წანეფიშ დაჭყაფუშე ოფუტეს გინწყჷ დაჭყაფურ სკოლაქ, ნამუშ დირექტორი ნესტორ გულუა რდჷ დო მაგურაფალეფი: ელიზბარ ესებუა, აკაკი ანთელავა.

1936 წანას დაჭყაფურ სკოლაქ გეგნიკეთჷ ვარსული ოშქაშე სკოლათ. თის ვარლამ გულუა ხემანჯღვერენედჷ.

1967 წანაშე ვარსული სკოლაქ გეგნიკეთჷ ოშქარი სკოლათ დო 1986 წანას ოფუტეშ ცენტრის დიკიდჷ ტიპიური სუმსართულამი ოსკოლე დგჷმილქ 264 მოგურაფეშ აბანშა.

ოფუტე ამდღა

ოფუტეშ მახორობაშ უმენტაშობა თხულენც დართას ოფუტეს მუში კჷნოხიანი ჯოხოდვალაქ დო თის ქიგიადვას ალერტკარქ.

გრიგოლიშის ეკონია წანეფიშ დინოხოლე ანდა პროექტიქ იხორციელჷ. რეაბილიტაციაქ ჩეტარჷ ობაღანე ბაღის, ნამუთ 20 წანას ვა ფუნქციონირენდჷ. ხინჯეფიშ ეგაფათ ოფუტეს უდიდაში პრობლემაქ გჷნიჭკჷირ. მინწყუ ოკუჩხბურთე მოედანქ, დიმონტაჟჷ გალენ გონათაფაქ. უმწეო კატეგორიაშ მახორობას (32 ფანია) გურემონტეს ოხორინალი ჸუდეეფი. ირ წანას იხრეშუ დო ითინუ მუჭოთ ცენტრალური, თაშნე დინოხოლენი შარეფი. გეკეთინჷ ოჯინუეფქ, ოლანქერე ნთხორილეფქ. გრიგოლიშის საშუალო სკოლას ჩაუტარდა საფუძვლიანი რემონტი.

ზუგდიდიშ მუნიციპალიტეტიშ გამგეობაშ ხუჯიშ მეჩამათ დო ალარინათ მუმალშო ანდა ჩეჟიერი საქვარი იგეგმაფუაფჷ.

გჷმორინაფილი ლიტერატურა

ზუგდიდიშ მუნიციპალიტეტიშ გამგეობაშ ვებ-ხასჷლა Archived 2013-04-11 ვებ-ხასჷლას Wayback Machine.