გუბერნატორი
გუბერნატორი — ოჯარალე მოხელე, სახენწჷფო რწუმებული, პრეზიდენტიშ დო თარობაშ წჷმმარინაფალი ადმინისტრაციულ-ტერიტორიულ ართულეფს საქორთუოს დო კანკალე შხვა ქიანას.
პოსტშა დორინაფაშ დო გინორინაფაშ წესი რედაქტირაფა
საქორთუოს დო კანკალე ქიანას გუბერნატორს პრემიერ-მინისტრწკჷმა კონსულტაციაშ უკული პოსტის დჷთმარინუანს დო პოსტიშე გინმარინუანს პრეზიდენტი.
ფუნქციეფი რედაქტირაფა
გუბერნატორი კოორდინაციას უწიენს დო აკონტროლენს ადმინისტრაციულ-ტერიტორიულ ართულეფს სახენწჷფო კანონეფიშ, პრეზიდენტიშ დო თარობაშ ნორმატიული აქტეფიშ რსულებას;
ახორციელენს სოციალურ-ეკონომიკური გოვითარაფაშ რეგიონალურ პროგრამეფს;
ახორციელენს სახენწჷფო ჟიგინოჯინალას აბანური მუშითმართუალაშ ორგანოეფიშ საქვარუაშა;
ახორციელენს კანონდვალათ გოთანჯილ შხვა ნებაგოქუნელობეფს.
თაშნეშე, მუში ნებაგოქუნელობაშ ფარგალეფს გიშმაშქვანს ინდივიდუალურ სამართლებურ აქტეფს. გუბერნატორიშ სამართლებური აქტი რე ინდივიდუალური სამართლებური აქტი, ნამუშ გაჩიულება შილებე სასამართალოს. სამართლებური აქტი თუ აწმარენჯობაშა მოურს სახენწჷფოშ ნორმატივეფწკჷმა-და, შილებე გაუქვას ჟიგემარენჯ ორგანოქ. (სამანგ: პრეზიდენტიქ, თარობაქ).
გუბერნატორიშ ადმინისტრაცია რედაქტირაფა
გუბერნატორი მუშ საქვარს ახორციელენს გუბერნატორიშ ადმინისტრაციაშ მეშქაშობათ, ნამუშ ოშტატე რანწკის დო მოხანდეეფიშ პოსტიშური სარგეფიშ გჷნოკვათეფს ანტკიცენს თარობაშ მადუდე. (სამანგ: პრეზიდენტი).
ადმინისტრაციაშ ოჯარალე მოხანდეეფს, ომანგეთ, პოსტის დჷთმარინუანს დო პოსტშე გინმარინანს კინ მუ სახენწჷფო რწუმებული – გუბერნატორი.
გუბერნატორიშ დო თიში ადმინისტრაციაშ საქვარუა იფინანსებუ სახენწჷფო ბიუჯეტშე.
გუბერნატორიშ ნებაგოქუნელობეფიშ ტერიტორიული ხურგეფი, ადმინისტრაციაშ სტრუქტურა დო საქვარუაშ წესი გითმითანჯუ სპეციალური დებულებათ.