დავით V

დავით V (დ. 1113 — ღ. 1155) — საქორთუოშ მაფა 1154-1155 წანეფს, დემეტრე I-შ ქომოლსქუა. დემეტრეს ჸუნდჷ ჟირი ქომოლსქუა დავითი დო გიორგი. მონძეობაშ კანონით, ომაფე ხვისტაქ ოკო გინორთუკო დავითიშა, მარა უჩინებუ ბაძაძეფით, დემეტრეს მონძეთ გიშაგორილჷ აფუდჷ უკულაში სქუა გიორგი.

დავით V
საქორთუოშ მაფა
დუდალ. დაჭყაფუ:	1154
დუდალ. დათებუ:	1155
წიმოხონი:	დემეტრე I
მონძე:	დემეტრე I
დაბ. თარიღი:	1113
ღურ. თარიღი:	1155
სქუალეფი:	დემნა მაფასქირი
დინასტია:	ბაგრატიონეფი
მუმა:	დემეტრე I
რელიგია:	მართლმადიდებლობა

დავითის ოშქურუდჷ ნამდა მუამუშიშ ღურაშ უკულ, მაფათ გიორგი გინირთუდჷ. ხვისტაშ ხეშა აშაჸოთამალო დავითიქ გინოჭყვიდჷ არყებაშ მონწყუალა დო დემეტრეშ გინორაგვაფა. მაართა უშედეგო ცადებაშ უკულ, თიქ კინ ეარყჷ მუამუშიშ მეხჷ, თინა გეგთარაგუ დო ბერო გოუტუ დავითგარეჯაშ მონასტერშა. დემეტრეშ გინორაგვაფაშ უკულ, დავითიქ დემეტრეშ ალმარენჯეფი დეთხინუ. მაგალთო, ამირსპასალარობა მიდუღუ ორბელეფს დო გეგნოჩჷ თირქაშ აბულეთისძეს. მაფობაშ მაამშვა თუთას დავითიქ დოღურჷ. სომეხი ისტორიკოსი მხითარ გოში დავითიშ ღურას ორბელეფს აბრალუაფჷ. მაჟირა სომეხი ისტორიკოსი ვარდანი, ხეს გითმედვანს სუმბატ დო ივანე ორბელეფს, მუჭოთ დავითიშ მაჸვილარეფს. ჸათე მოლინეფქ ოკო მოხვადუკო დოხოლაფირო 1154-1155 წანეფს. დავითიშ ღურაშ უკულ, დემეტრექ მონასტერიშე დირთჷ, ომაფე ხვისტა დირთინუ დო წორომამართალო წჷმარინუ მუში უკულაში სქუა გიორგი. დემეტრეშ მართუალაშ ბორჯის, ორბელეფქ კინ დირთინეს ამირსპასალარობა.

გიორგიშ მართუალაშ ბორჯის, 1177-78 წანეფს, ეარჸჷ დავითიშ სქუა დემნაქ დო მითხუ ომაფე ხვისტა. თის ალურდჷ ივანე ორბელი, ნამუთ დემნაშ მუანთილი რდჷ. არყებაქ დემარცხჷ. გიორგიშ ზოჯალათ დემნა ოჭოფეს, დაჸვერეს დო დოჸვარეს. ჸათეცალი კონწარი სარჯელიშ უკულ, დემნაქ მალას დოღურჷ.

ქოძირით თაშნეშე

• საქორთუოშ მამართვალეფი

ლიტერატურა

• Mikaberidze, Alexander (2015-02-06). Historical Dictionary of Georgia. Rowman & Littlefield.