დაჩხირი

დაჩხირი — ინწრო სმებათ, ოჟღერჟღელაია გაზეფიშ ვარ-და პლაზმაშ გვალოიანუა, ნამუთ გითმიჭყაფუ მუჭოთ გეჸვენჯი ქიმინუეფიშ შედეგი -

• ოჭუაშეშ მოხვამილაფირი/გარძახი გარჩხიალება გოთანჯილ ჭურჭულშახ;
• ქიმიური რეაქცია;
• ოჭუაშეშ დო მაღალი ნჭუშ დენიშ ურთიართმოხუჯათ.

დაჩხირი

დაჩხირი რე ჭუალაშ პროცესიშ თარი ფაზა დო უღჷ მუშითმოდვალაშ ჭყანა. დაჩხირიშ დორხველი ტემპერატურა გერსხილი რე დაჩხირიშ წყუშა.

ოურდუმე საქმეს ტერმინი „დაჩხირი“ გჷმირინუაფუ დაჩხირმაჸათამუ ანჯარიშე ჸოტამაშ ეიოშანალო.

დაჩხირიშ მეგორაფა დო მორთაფა იკოროცხჷ კოჩიშობაშ ართ-ართ უკაბეტაშ მეჭირინაფათ. პირველჸოფური ადამიერი დაჩხირს პატის არძენდჷ დო ქოთ ოშკურუდჷ. დაჩხირიშ მეშქაშობათ ადამიერქ შილებუ - რგილი კლიმატური პიჯალეფიშ გინოღალა, ოჭკომალიშ კეთება, სერით ტერიტორიაშ გოსინთაფა, ტყარ ჩხოლარეფიშ გინოჸოთამა, ტყათ ფორილი ტერიტორიაშ გინოწიმინდუა დო თინეფიშ ოთასალ მინდორეფო გინოქიმინუა, კიციშ დამუშება, მეტალეფიშ ნდღულაფა დო შხვ.

დაჩხირი უკებუ სერიოზული შანულობა მუსხირენ მითოლოგიას. ჯვეშბერძენულ მითოლოგიას დაჩხირწკჷმა რდჷ მერსხილი მუსხირენი ღორონთიერება (გეფესტი, ვესტა, ჰესთია, ტიტანი პრომეთე). ჯვეშინდურ მითოლოგიას დაჩხირიშ ღორონთიერება რდჷ აგნი, კელტურ მითოლოგიას დაჩხირიშ ღორონთიერებას ბრიგიდი ჯოხოდჷ. ზოროასტრიზმის დაჩხირი რე ღორონთიერი სტიქია დო გჷმოხანტუნს უმაღალაშ სიმართლეს, არტის.

წყარწკჷმა, დიხაწკჷმა დო ჰეერწკჷმა ართო დაჩხირი იკოროცხუ ართ-ართ პირველურ ელემენტო.

სქოლიო

ვიკიოწკარუეს^? რე ხასჷლა თემაშენ:

დაჩხირი