დემონეფი — ღორონთიერი რინუეფიშ გარკვიული ბუნა, შურეფი, ნამუეფსჷთ ღორონთეფშე ხვალე თი გინორთი უღჷნა, ნამჷ-და თინეფს მუჭოთ ღორონთეფს, ადამიერიშ მეჯინა ვა უღჷდეს. ჯვეშო ადამიერეფი ირნერი ორთაშობურ მოლინას, ნამუშ ენწყუმათ მუნეფს ვეშულებდესჷნ, დემონეფს მიოჭარანდეს. ჰომეროსიშ მეჯინათ, ირნერი ეუნწყუმუ, უგუგებუ დო მერეთი მოლინა „დემონური“ რე. დემონეფით რე გოფშა ედომუშამი ოქიანუ დო ადამიერეფიშ რინა. გარკვიული, გიშაკერზაფილი ხურგი დემონეფს, ღორონთეფს დო გერგეზეფს შქას ვა რდჷ. შხირას დემონეფი გარკვიული ხანიშ უკული მინშა ღორონთეფო გჷნმირთუდეს დო მინოთ, ღორონთეფით მინშა გერგეზეფო დო დემონეფო გჷნმირთუდეს.

დემონი

წიმინდე ანტონ დიდის დემონეფი ლახჷნა, ნამუეფსჷთ გაგალებური საღალობაშ აბანშე გინორაჸუა ოკონან. მარტინ შონგაუერიშ სურათი, 1480;
აბანიშ შური, შხვადოშხვა მითიური რინუშ აკოკათელი ჯოხო;
ანტიკურ ფილოსოფიას დაიმონი — გენიუსი, მათხილე ანგელოზი, სვინდისი;
ქირსიანობას – არძა აჯამური ღორონთიერეფიშ ეშანუა, უწუნდური შურიშ სინონიმი.
მითოლოგია: ბერძენული მითოლოგია,ქირსიანობა
ჯოხო შხვა ნინეფშა: ინგლ. demon, ინგლ. daemon, ინგლ. daimon;
ბიბლიას გჷნმითანგუდჷ მუჭოთ ინგლ. devil, გერმ. teufel
შხვა კულტურეფს: bies, ეშმაკი, ჯინი (მითოლოგია), დევი, გენიუსი, sprite, supernatural beings in Slavic folklore, akuma и mazoku
მოგვენი რინუეფი: დაიმონუსი, არქონტეფი, ანგელოზი, ეშმაკი, ჩორთი, შედიმი, დიბუკი
გჷმოხანტუალეფი

ჰომეროსიშ მეჯინათ, დემონეფი უმოსო ნტერულო მეურენა ადამიერეფს. შხირას თინეფი ადამიერს გონებას მეთმუდინუანა, მინშა აჸვერენა დო შხვა. მოგვიანაფათ გიშმართჷნდეს, ჯგირი დო უბადო დემონეფს. ბერძენი იდეალისტი ფილოსოფოსეფიშ მონძღვარუაშ მეჯინათ, ირი ადამიერს ბადებაშე ღურაშახ დორხველი დემონი ჸუნს, ნამუთ თიშ ირნერ რინას დუდენს. უკული ბერძენეფს დემონეფი უჯოხოდეს მუდგაინ ჟიორთაშობურ ნძალეფშა, ნამუეფიშ კულტი ვა რდჷ. რომს დემონეფი გენიუსწკჷმა გამანგეს. ოლიმპიური რელიგიაშ გჷთორაგვაფაშ უკული ანდა კათას დემონეფიშ გეშა წჷმორინეფქ ქუდასქიდჷ. ქირსიანულ რელიგიაქ დემონეფი უბადო რინუთ მირჩქინჷ.

თაშნეშე ქოძირით რედაქტირაფა