დინოხოლენი ქართლიშ აკანი

დინოხოლენი ქართლიშ აკანი შიდა ქართლის მხარე
ადმ. ცენტრი	გორი
სახენწჷფო რწუმებული	ზურაბ ჩხეიძე
რეგიონიშ კოდი	GE-SK
რაიონი	5 ნოღა
ფართობი	6200 კმ²
მახორობა	263 382 კოჩი (2014)

დინოხოლენი ქართლი — აკანი ბჟაეიოლ საქორთუოს, იკენს ისტორიულ–გეოგრაფიული პროვინცია დინოხოლენ ქართლიშ ცენტრალურ ნორთის. რეგიონიშ საირქიანო კოდი რე: GE-SK. აკანიშ ოორუე ნორთი იკენს თ.გ. ობჟათე ოსეთიშ ტერიტორიაშ დიდ ნორთის, ნამუშ ავტონომიაშ სტატუსიქ გეუქვუ საქორთუოშ სსრ რსხუშე გიშულაშ უკული, მუსჷთ კონფლიქტიქ დო თარობაშით თე რეგიონშა კონტროლიშ დინაფაქ მაჸუნუ. დინოხოლენი ქართლიშ აკანშა მიშმურს საქორთუოშ კანონდვალათ გოთანჯილი გეჸვენჯი ადმინისტრაციულ–ტერიტორიული ართულეფი:

ადმინისტრაციული დორთუალა

დინოხოლენი ქართლიშ აკანი იკენს გეჸვენჯ მუნიციპალიტეტეფს: ნოღა გორი, გორიშ მუნიციპალიტეტი, კასპიშ მუნიციპალიტეტი, ქარელიშ მუნიციპალიტეტი დო ხაშურიშ მუნიციპალიტეტი. აკანიშ ცენტრი რე ნოღა გორი. დინოხოლენი ქართლიშ აკანიშ ტერიტორიაშა თაშნეშე მიშმურს ახალგორიშ, თიღვაშ, ერედვიშ დო ქურთაშ მუნიციპალიტეტეფი, მორო თიშ გეშა, ნამჷ-და თე მუნიციპალიტეტეფიშ ტერიტორია ოკუპირებული რე რუსეთიშითჷნ, თე მუნიციპალიტეტეფიშ მართუალაშ ორგანოეფი იდვალუაფუ ქართის.

ზოგადი ჩინებეფი

• ტერიტორიაშ ფართობი – 6200 კვ.კმ (თინეფს შქას ცენტრალური ხეშუულებაშ იურისდიქციაშ გიმე რე 4807 კვ.კმ)
• ადმინისტრაციული ცენტრი – ნ. გორი
• გოძვენა ადმინისტრაციულ ცენტრიშ დო ქართიშ შქას – 75 კმ.
• კლიმატი – აკანიშ კლიმატი კონტინენტური რე, ოშქაშე წანმოწანური ტემპერატურა რე დოხოლაფირო 11 C⁰, შილებუამი მაქსიმუმი რე 42 C⁰, შილებუამი მინიმუმი – 32 C⁰. ბორიაშ ენერგეტიკული რესურსი (1000 კვტ/სთ 1 კმ2-ს) – 1000-1500. ნოლექეფიშ მუდანობა წანმოწანას ოშქაშეთ 500 მმ-რე, მაქსიმუმი – 760 მმ, მინიმუმი 330 მმ.
• წყარიშ თარი არტერიეფი – აკანიშ ტერიტორიას მადვალუ წყარმალუეფი: ტკვარი, დიდი დო ჭიჭე ლიახვი, მეჯუდა, ტანა, ქსანი, თორთლა, თეძამი, ჭარებულა, ლეხურა, სურამულა, ფრონე, ძამა დო შხვა. თშნეშე დინოხოლენი ქართლის მეურს ორთაშობური ოსქილადე წყარეფი დო სუფთა წყურგილეშ წყარეფი.

აკანიშ თი ნორთის, ნამუსჷთ საქორთუოშ ცენტრალური ხეშუულება აკონტროლენსინ, 373 დოხორელი პუნქტი რე, თინეფს შქას:

• ნოღა - 4: გორი, კასპი, ქარელი, ხაშური;
• დაბა - 2: სურამი, აგარა;
• ოფუტე - 366

ოქინაფუეფი

აკანიშ ტერიტორიას იდვალუაფუ ორთაშ, არქიტექტურაშ დო კულტურაშ მიარე ძეგლი, თინეფს შქას უშანულამაში რე:

• ატენიშ სიონი
• ყინწვისიშ ოხვამე
• სამთავისიშ ოხვამე
• უფლისციხე
• რკონიშ ოხიდა
• გორიშ ჯიხა
• სურამიშ ჯიხა
• წრომიშ ოხიდა
• ქვათახევი

ისტორია

აკანიშ ორდოშიანი ისტორია ქოძირით სტატიეფს:

• ქართლი
• დინოხოლენი ქართლი
• ქართლიშ ომაფე
• ქართლ-კახეთიშ ომაფე
• საქორთუოშ ისტორია

რესურსეფი ინტერნეტის

• ოფიციალური ვებ-ხასჷლა
• დინოხოლენი ქართლიშ რეგიონული გოვითარაფაშ სააგენტო

სქოლიო

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.