ედვარდ ემერსონ ბარნარდი

ედვარდ ემერსონ ბარნარდი (ინგლ. Edward Emerson Barnard; დ. 16 ქირსეთუთა, 1857, ნეშვილი, ტენესი, ააშ — ღ. 6 ფურთუთა, 1923, უილიამს-ბეი, ვისკონსინი, ააშ) — ამერიკალი ასტრონომი. ბარნარდიშ ჯოხონობაშ რე მურიცხი, ნამუსჷთ თიქ მიოგორუ 1916 წანას.

ედვარდ ემერსონ ბარნარდი
ინგლ. Edward Emerson Barnard
დაბადებაშ თარიღი:

16 ქირსეთუთა, 1857

დაბადებაშ აბანი:

ნეშვილი, ტენესი, ააშ

ღურაშ თარიღი:

ფურთუთა 6, 1923 (65 წანერი)

ღურაშ აბანი:

უილიამს-ბეი, ვისკონსინი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ასტრონომია

სამუშაშ აბანი :

ჩიკაგოშ უნივერსიტეტი
ლიკიშ ობსერვატორია
ვანდერბილტიშ უნივერსიტეტი

ალმა-მატერი:

ვანდერბილტიშ უნივერსიტეტი

ჯილდოეფი დო პრემიეფი:

ლალანდიშ პრემია (1892)
ჟანსენიშ მენდალი (1900)
ბრიუსიშ მენდალი (1917)

ხეშმოჭარუა:

ბიოგრაფია რედაქტირაფა

ედვარდ ემერსონ ბარნარდიქ დებადჷ 1857 წანაშ 16 ქირსეთუთას, ტენესიშ ნოღა ნეშვილს. ასტრონომიათ ბაღანობაშე დეინტერესჷ. 1876 წანას იჸიდჷ რეფრაქტორ-ტელესკოპი დო დიჭყჷ კოსმოსური რსხულეფიშ დოგურაფა. ართ პერიოდის გურაფულენდჷ ვანდერბილტიშ უნივერსიტეტის, მარა გურაფა ვაუთებჷ დო ომენცარე ხარისხი ხოლო ვემუღებჷ. 1887 წანას ბარნარდიქ მუშობა ქიდიჭყჷ ლიკიშ ობსერვატორიას. 1892 წანას ბარნარდიქ ძირუ დიაშ ალმაშარე ამალთეა. 1895 წანაშე ბარნარდი რდჷ ჩიკაგოშ უნივერსიტეტიშ ასტრონომიაშ პროფესორი. 1916 წანას ბარნარდიქ ძირუ ბარნარდიშ მურიცხი. 1881-1892 წანეფს ბარნარდიქ ძირუ 15 კომეტა. ედვარდ ემერსონ ბარნარდი რდჷ ამერიკაშ ხელუანობეფიშ დო მენცარობეფიშ აკადემიაშ დო ამერიკაშ ფილოსოფიაშ ჯარალუაშ მაკათური. 1897 წანას ბარნარდის ასტრონომიაშ ომაფე ჯარალუაქ გინოჩჷ ორქოშ მენდალი. ბარნარდი მოღალენდჷ ასტროფოტოგრაფიას ხოლო.

რესურსეფი ინტერნეტის რედაქტირაფა