ედვარდ ოსბორნ უილსონი
ედვარდ ოსბორნ უილსონი (ინგლ. Edward Osborne Wilson; დ. 10 მანგი, 1929, ბირმინგემი, ალაბამა, ააშ — ღ. 26 ქირსეთუთა, 2021, ბერლინგტონი, მასაჩუსეტსი, ააშ) — ამერიკალი ბიოლოგი დო ჭარუ. უმოსო მოღალენდჷ მირმეკოლოგიაშ დარგის დო რდჷ მირმეკოლოგიაშ ართ-ართი უდიდაში ექსპერტი დო სპეციალისტი. უილსონიშ ჭკიჭკიტიეფიშ კოჩის ხოლო უძახუდეს.
| ედვარდ ოსბორნ უილსონი | |
| ინგლ. Edward Osborne Wilson | |
 უილსონი 2003 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ქირსეთუთა 26, 2021 (92 წანერი) |
| ღურაშ აბანი: |
ბერლინგტონი, მასაჩუსეტსი, ააშ |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
პულიცერიშ პრემია (1979, 1991) |
ედვარდ ოსბორნ უილსონი გურაფულენდჷ ბიოლოგიას ალაბამაშ უნივერსიტეტის, სოდეთ მიპალუ ბაკალავრიშ დო მაგისტრიშ ხარისხი. 1951 წანას უილსონიქ გურაფა გაგინძორჷ ჰარვარდიშ უნივერსიტეტის, სოდეთ თხილუ ოდოქტორე დისერტაცია. გურაფაშ თებაშ უკულ მუშენდჷ ჰარვარდიშ დო დიუკიშ უნივერსიტეტეფს. უილსონი რდჷ სოციობიოლოგიაშ ართ-ართი დუმარსხუაფალი. უილსონის სოციობიოლოგიაშ მუმას უძახუნა. უილსონიქ რობერტ მაკარტურიწკჷმა ართო აკიმუშუ კოკეფიშ ბიოგეოგრაფიაშ თეორია. უილსონიქ მიშეღჷ კაბეტი თია მირმეკოლოგიაშ გოვითარაფაშა. ედვარდ ოსბორნ უილსონი რდჷ შხვადოშხვა პრემიეფიშ დო ჯილდოეფიშ ლაურეატი. შვედეთიშ ომაფე აკადემიაქ უილსონის 1990 წანას გინოჩჷ კრაფორდიშ პრემია. ჟირშა რდჷ პულიცერიშ პრემიაშ ლაურეატი. 1977 წანას უილსონიქ მიპალუ პრესტიჟული ჯილდო მენცარობაშ ერუანული მენდალი. ენციკლოპედია ბრიტანიკაშ დო ჟურნალი თაიმიშ აზრით უილსონი რდჷ მოსოფელიშ ართ-ართი უდიდაში მენცარი.
ჯილდოეფი დო პრემიეფი
რედაქტირაფა- 1959: ამერიკაშ ხელუანობეფიშ დო მენცარობეფიშ აკადემიაშ მაკათური
- 1969: ამერიკაშ მენცარობეფიშ ერუანული აკადემიაშ მაკათური
- 1977: მენცარობაშ ერუანული მენდალი
- 1979: ლეიდიშ პრემია
- 1979: პულიცერიშ პრემია
- 1984: ტაილერიშ პრემია
- 1990: კრაფორდიშ პრემია
- 1991: პულიცერიშ პრემია
- 1993: ბიოლოგიაშ საირქიანო პრემია
- 1994: კარლ სეიგანიშ პრემია
- 1998: ბენჯამინ ფრანკლინიშ მენდალი
- 1999: ამერიკაშ ჰუმანისტეფიშ ასოციაციაშ ჯილდო "წანაშ ჰუმანისტი"
- 2000: ლუის ტომასიშ პრემია
- 2001: ნირენბერგიშ პრემია
- 2007: ადისონ ემერი ვერილიშ მენდალი
- 2007: TED-იშ პრემია
- 2010: ტომას ჯეფერსონიშ მენდალი
- 2010: ჰარტლენდიშ პრემია
- 2012: კოსმოსიშ საირქიანო პრემია
- 2014: კიუშ საირქიანო მენდალი
- 2016: ჰარპერ ლიშ პრემია
რესურსეფი ინტერნეტის
რედაქტირაფა
- ედვარდ ოსბორნ უილსონი ენციკლოპედია ბრიტანიკას
- Curriculum vitae
- E.O. Wilson Foundation
- Dawkins, Richard (May 24, 2012). „The Descent of Edward Wilson“. Prospect. Review of The Social Conquest of Earth
- E.O. Wilson Biophilia Center